Pagpasok ko pa lang sa gate ay nasa akin na agad ang tingin ng mga estudyante. Napabuga nalang ako ng hangin. Sa ilang buwan kong pag aaral dito bilang buntis ay ganito parati ang bubungad sa 'kin. Mga matang mapanghusga at mga bibig na paguusapan ka.
Limang buwan na ang tiyan ko kaya mahahalata mo na talaga na buntis ako. Tinahak ko na ang daan patungo sa silid namin. Kung dati ay masigla nila akong babatiin ngayon ay para bang hangin nalang din akong dumaan. Ang iba naman ay gagawin nanaman akong topic na paguusapan.
Tahimik akong umupo sa pwesto ko sa likod. Dati ay nasa harapan ako pero nilagay ako sa likod nang prof namin noong nalamang buntis ako. Hindi raw maganda sa image ng school ang may buntis na estudyante, dito kasi parating pumapasok ang mga bisita kaya iniiwasan niyang mak
