Giannah Cruz’s P.O.V
Isa lang ang gusto kong makamit sa buhay ko. Ang magmahal at mahalin nang totoo, walang katapusan at hindi ako sasaktan.
Bakit nga ba naging ganito ang kapalaran ko? Tanggap ko na ipinanganak ako ng babaeng walang pakialam sa akin, kaya mula no’n pangarap ko lang naman na mamatay ng masaya, pero kahit ‘yon ata ay ipagkakait sa akin.
Alam ko na buhay pa ang tunay kong Nanay. Alam ko na si Nanay Yolly ay kapatid ng kumupkop sa akin na isa rin sa mga nagpahirap sa buhay ko. Isa siya sa mga nagsabi na wala akong mararating, dahil kung ano ang Nanay ko ay siya ring magiging ako.
Hindi alam ni Nathan na hindi niya ako tunay na pinsan. Hindi niya alam na hindi ako anak ng Tita niya, kaya hinding hindi niya pwedeng malaman ang totoo, dahil baka ilayo niya ako lalo sa anak
