Napasimangot ang anak ko dahil sa pagkadapa, ang hawak nitong ice cream ay agad na kumalat sa ibabaw ng makintab na sapatos ng kanyang ama.
Napahinto naman si Dylan at agad nagsalubong ang mga kilay na napatingin sa anak. Pero nang umiyak si Selene ay agad na iniluhod ang isang tuhod nito at mabilis na inalalayang bumangon ang anak.
Mas lalo namang lumakas ang pag-iyak ni Selene. “Mommy!” she called me while crying.
“Hey, huwag ka ngang umiyak, masyadong maingay! Ang sakit sa pandinig!” masungit na saway ni Dylan sa anak.
Hindi ko naman mapigilan ang mapalunok dahil sa kaba habang nanatiling nagtatago sa likod ng security guard na napapabuntong hininga na lang sa akin.
“Puwede ba, itigil mo na sabi yang pag-iyak mo!”
Parang gusto ko na lang sumugod sa narinig. Talaga bang pinapagalit
