Ikalawang araw na ngayon na wala si Kino sa condo. Kaninang umaga ay wala siyang natanggap na mensahe o tawag galing sa lalaki pero iniisip niyang baka sobrang busy talaga nito.
Nasa school si Maria at kakatapos lang ng huling subject niya. Balak niyang kumain sa canteen dahil hindi siya nakapagluto kaninang umaga. Nagmamadali na din kasi siya at medyo late siyang nagising. Nang nasa canteen na ay tahimik siyang nagpasalamat na hindi marami ang kumakain.May mga iilan pang bakanteng mesa na pwede niyang pwestuhan na hindi naababala ang kanyang pagkain.
Nakapag order na si Maria at sa gilid niya piniling umupo. Sa kanyang unahan ay dalawang babaeng kumakain na natatandaan niyang ka-klase niya sa isang subject. Habang kumakain ay nag-uusap ang mga ito kaya hindi niya maiwasang hindi marin
