Napabalikwas ng bangon si Cedes sa malambot na kamang kanyang hinihigaan. Hindi paman niya nakikita ng buo ang paligid ay alam na niyang hindi ito ang kanyang kwarto. Mas lalo pang nanlaki ang kanyang mata nang makitang hindi siya nag-iisa sa kama.
May isang lalaking nakadapa na natutulog sa kanyang tabi. Hubad ang makinis nitong likod at natatabunan ng puting kumot ang ibabang parte ng katawan nito. Napaawang siya ng labi at pilit inalala ang nangyari sa nagdaang gabi. Pero kahit anong gawin ni Maria Mercedes ay wala siyang makapa sa utak.
Ang huli niyang naaalala ay ang pag-inom niya ng alak na nakalagay sa ref, at bukod doon ay malabo na ang lahat sa kanya. Dahan-dahan siyang tumayo at inalis ang kumot na nakatabing sa katawan. Napasinghap pa siya ng makita ang T-shirt ng kanyang am
