Mazer's POV:
Dahan-dahan kong minulat ang mga mata ko pero agad ding ipinikit dahil bigla akong nasilaw sa ilaw. Napadaing naman ako dahil sa sakit sa batok ko.
Ano bang nangyari? Dinilat ko ulit ang mga mata ko at tumingin sa paligid. Anong lugar 'to? Paano ako napunta dito?
Pinikit ko ulit ang mga mata ko at inalala ang nangyari bago ako nawalan ng malay at napalingon-lingon ng maalala kung bakit ako nawalan ng malay. Si Trinity.
Sinubukan kong tumayo mula sa pagkakaupo pero ngayon ko lang napansin na nakatali pala ang mga kamay ko sa likod. Sinubukan kong kalagin ito pero masyadong mahigpit ang pagkakatali. Napabuntong hininga nalang ako dahil hindi ko makalas ang tali.
Naalala ko si Trinity ang kasama ko bago ako nawalan ng malay. May pumalo sa ulo ko at sigurado akong sya 'yon. N
