LETTY SABRINA SABROSA’s P.O.V
“Letty, when is your next match? Sabihan mo ako kung meron ulit, ah?” napairap na lang ako sa kawalan dahil sa sinabi ng kapatid ko.
Simulang pagkababa ko rito para mag-almusal. Paulit-ulit itong nagtatanong kung kailan daw ba ang susunod na laban ko sa drag racing? Gusto niya rin raw kasi uling pumusta. Parang kagabi lang galit ito nang makita ako doon sa illegal event at talagang piningot pa si Chase tapos ngayon panay ang paulit-ulit niya ng tanong sa akin kung kailan ang susunod na laban ko. Tss!
“Wala, next month pa ata? Huwag ka ngang makulit. Hindi ba kayo aalis ni Kuya Kit ngayon?” iritang tanong ko habang nagbobrowse sa f*******:.
“Meron, pero mamaya pang hapon. Wanna come? Pupunta kami ngayon sa bahay nila, saka para makilala mo na rin si Raven.”
