LUMABAS kami ni Papa mula sa kanyang arsenal room. Magdidilim na ang paligid kaya’t kumuha kami ng mga naimbak niyang punong-kahoy sa bahay at gumawa si Papa ng bonfire malapit sa beach.
Muling ipinakita sa akin ni Papa ang duplica bone. “Kagaya nga ng sabi ko kanina Anak, ito ang paraan natin para makagawa ng duplica. Karamihan ng shamans ay kaya lamang gumawa ng duplica bones para sa kanilang sarili. Ibig sabihin, tanging ang Shaman lamang ang makakagawa ng Duplica at hindi ito pwedeng gawin ng iba. Ngunit ang klase ng Duplica Bone na ito ay hindi basta-basta, dahil gawa ito ng isang Shaman King, kaya’t pwede itong gamitin ng iba.”
Tumango ako tanda ng pag-intindi ko sa paliwanag ni Papa.
“Para gumawa ng Duplica, ididikit mo lang sa buto na ito ang isang bagay na matagal nang pag-aari
