KUMAPAL ang itim na usok sa paligid ng Demon habang ito’y nakalutang sa ere. Habang ang kanyang mga kasamahan ay lumuhod habang nakaharap sa kanya na para bang nakita ang kanilang panginoon. Iniabante ng Demon ang kanyang mga braso at ang usok mula doon ay bumuhos sa sahig kung saan ito’y kumalat. Mabilis namang kumilos si Ash at Ate Kat na pumunta sa likod ni Zed bago pa man maabutan ng itim na usok. Ginamit ni Zed ang kanyang force shield para protektahan sina ate Kat, at hindi naman nagawang makapasok ng itim na usok.
Si Nix naman ay nag-teleport para kuhanin ang hostage na dinala niya sa isang tabi kanina papunta sa tabi ko. Mabuti na lang at hindi kami abot ng usok dito sa itaas. Ngunit ang mga kasamahan ng demon ay hindi nakaligtas. Pumasok sa bibig nila ang itim na usok at kiniti
