AM I DREAMING?
Is it for real?
How?
Nabitiwan ko ang hawak kong holy gun nang dahil sa hindi ko maipaliwanag na pakiramdam. Nagtayuan din ang mga balahibo ko sa katawan na para bang nakakita ako ng multo. Lumapit si Papa sa akin at pinulot ang nalaglag kong holy gun.
“Huwag na huwag mo itong bibitiwan, anak,” sambit niya habang nakangiti. Ibinalik niya sa pagiging pendant ang holy gun ko at iniabot niya ito sa akin.
Nanginginig ang mga kamay ko habang dahan-dahan kong kinukuha ang ridwan sa kanya. Nang mahawakan ko ang kanyang kamay, saka ko lang naramdaman na siya ay totoo. Ang tatay ko na akala ko matagal nang patay, ngayon ay nasa aking harapan.
Hindi ko kinuha ang ridwan sa kanya, sa halip ay binigyan ko siya ng napakahigpit na yakap.
“Papa, totoo po ba ito?” humahagulhol
