Naiinis na binalibag ni Aprille ang phone nito matapos tawagan ang secretary ni Martin upang tanungin kung may early meeting nga ba talaga ang lalaki. Malakas ang kutob niya na nagsisinungaling lang ito sa kanya, at hindi nga siya nagkamali, wala talaga itong meeting. At ang isa pa sa nagpa beast mode sa kanya ng umaga na iyon ay hindi rin pumasok ang lalaki sa law firm na pinagtatrabahuhan nito. Nagngingitngit sa galit na muli niyang pinulot ang phone na binalibag sa ibabaw ng kama at idinial ang numero ng lalaki. Napatigil si Daisy sa pag bo-blower ng buhok niya nang marinig na nag-ring ang phone ni Martin. Mabilis niya na nilapitan ang phone ng asawa upang tignan kung sino ang tumatawag. Naisip niya baka urgent call iyon mula sa trabaho ng asawa niya. Mabilis na tumaas ang kilay niya na
