Chapter 54
Dalawang oras ang naging byahe nina Demon ng makarating sila sa Fukuoka Japan at tatlumpung minuto pa ang dumaan sa kanila bago sila tuluyang makarating sa compound ng Hayazawa clan. Itinigil ni LAY ang kotseng sinasakyan nila di kalayuan sa compound nina Ayane upang hindi sila mapansin ng mga kalaban nila sakaling may nagmamatiyag mula sa labas. Naunang lumabas ng kotse sina Lu, ToV, Blue, Tad at Demon na kanya-kanyang nag-unat ng mga katawan dahil sa mahabang byahe na tiniis nila dahil sa pwesto nila sa back seat.
“Tagna! Muntik na atang ma-dislocate ang mga buto ko sa klase ng pwesto ko.” Sambit na angal ni Blue na tinapunan ng tingin si Lu na inaayos ang sarili.
“Hoy Lu, umamin ka nga. Sinasadya mo talaga kanina na sikuhin ang likuran ko noh?” reklamo ni Blu
