NAKAUWI na ng bahay si Giana pero hindi pa rin nawawala sa isip niya ang mga sinabi ni Dominick sa kaniya. Gumugulo pa rin siya niyon hanggang ngayon dahil talagang gusto niya ang inaalok ni Dominick, na sasabihin nito ang dahilan kung bakit nagalit sa kaniya ang pamilya.
Mahal ni Giana ang mga magulang at mga kapatid kaya kung talagang may malaki siyang nagawang kasalanan sa mga ito kagaya ng nagawa niya kay Louie, ay gusto niyang bumawi at itama ang lahat ng pagkakamali niya pero paano naman niya magagawa iyon kung wala siyang nalalaman sa pagkakamaling nagawa niya?
Napabuntonghininga tuloy si Giana at tumingin sa cell phone niya. Nag-chat siya sa kapatid pero wala itong sagot kahit seen man lang. Kahit iyon ngang chat niya isang linggo nang nakakaraan ay hindi rin nito sine-seen kay
