SA isang restaurant si Giana dinala ni Dominick at nag-order ang lalake ng halo-halo saka nila sabay na pinagsaluhan. Hindi na sana papayag si Giana na pumasok sa restaurant na iyon dahil mukhang mamahalin at mga sosyalin ang nagpupunta doon pero napilit siya nito at hinila na siya papasok.
Panay ang titig ni Dominick sa kaniya dahilan para mailang siya at mukhang ang saya-saya pa nito habang nakatitig sa kaniya. Naging sampung-taon niyang crush si Dominick noong nineteen-years old siya pero ngayong muli silang nagkita at nagkasama ay napagtanto niyang wala na siyang nararamdaman dito ni katiting na paghanga na hindi na niya ipagtataka dahil si Louie na ang nagmamay-ari ng puso niya.
“Ahm, paano ba tayo naging close?” tanong ni Giana kay Dominick para kahit paano ay mabawasan ang ilang
