PUMASOK na sila ng bahay mag-asawa kasabay sina Belen at Mirasol. Nauna na ang dalawang bisita ni Louie na pumasok sa bahay at naabutan nila ang mga ito sa sala, nakaupo sa sofa at mukhang masayang nag-uusap. Muli ay napatitig si Giana sa maimong mukha ni Falcon na may masayang ngiti habang nakikipag-usap kay Conrad na pinsan daw ni Louie.
Higit nga lang sa paningin ni Giana na mas malakas ang dating ni Falcon dahil sa maamo at palangiting mukha at ang gaan din ng pakiramdam niya para sa lalake.
“Bakit mo titigan ng ganyan si Falcon? Nakangiti ka pa habang nakatitig sa kanya,” sita ni Louie sa kaniya habang naglalakad sila palapit sa sala.
Napahinto siya at napatingin kay Louie. “A-anong sinasabi mong nakatitig ako sa kaibigan mo? Hindi, ah!” kaagad na tanggi niya.
Nagsalubong ang ki
