Ilang araw na si Athena sa bahay ni Katsumi at kahit ano'ng gawin niyang pag aaral sa mga kilos, pananalita, ugali at itsura nito ay hirap siyang gayahin ito, hindi niya kayang maging si Katsumi.
Samantalang, si Nimfa ay nakakahalata na sa malaking pagbabago ng anak. Hindi na ito marunong mag-drive ng sasakyan. Noong isang araw lang ay muntik na nitong banggain ang kanilang gate ng tangkain nitong paandarin ang kanyang kotse. Kahapon naman ay nakita niya ito na naliligo sa pool, para itong isang sirena sa suwabe at galing sa paglangoy. Ang ipinagtataka niya ay hindi marunong lumangoy ang kanyang anak at paano ito natutong lumangoy ng isang iglap lang? Kagabi naman ay kasama ang butter shrimp sa kanilang mga ulam na laan lang dapat para kanyang asawa dahil paborito nito iyon lalo na ang ga
