Handa ng pumasok sa university si Athena. Naipasa niya ang exam kaya ngayon ay excited na siya sa unang araw ng kanilang klase. Sa edad na twenty five ay ngayon na lang uli siya makakatuntong sa eskwelahan. Nagpapasalamat siya sa mag asawang Nimfa at Hitaro dahil binigyan siya ng mga ito ng pagkakataon na makapag-aral muli.
Kumuha siya ng kursong Bachelor of Science in Nursing dahil noon pa man ay pangarap na niyang makapag trabaho sa ospital. Nang malaman ni Nimfa ang gusto niyang kurso ay tuwang-tuwa ito dahil kung hindi pagdo-doktor ay nursing din ang gusto niya sanang pag aralan ni Katsumi kaya lang ayaw nito ng ganuong kurso sa halip ay Interior Design Course ang kinuha nito.
-
"Hi! Is this seat taken?" Isang babae ang lumapit kay Athena, kagaya niya ay nakauniporme rin ito ng puti
