Chapter 15 : Kung ako lang ang masusunod
Boris POV
Bago kami pumasok ni Lori sa mansyon ay sinabihan ko na siya na ngayong araw din ay mag-uumpisa na ang pagpapanggap naming bilang isang magkasintahan muna. Nasa sasakyan pa kami at isa-isa ko nang sinasabi sa kaniya ang mga dapat niyang malaman at gawin kapag pumasok na kami sa loob.
“T-teka, ibig sabihin ay sa lolo mo lang tayo sweet. Sa mama, papa at iba mo pang pamilya ay kahit hindi na?” tanong niya kaya tumango ako.
“Yes. Sa lolo ko lang tayo magpapanggap. Ganoon lang kadali hindi ba?”
“Okay. Kuha ko na ang lahat ng sinabi mo,” sabi niya kaya binuksan ko na ang pinto ng sasakyan. Nauna akong bumaba para pagbuksan siya ng pinto. Kinuha ko ang kamay niya. Napatingin pa siya sa akin bago abutin ang kamay ko. “Start na ba agad nang p
