Chapter 52 :Sunblock
Boris POV
Binuhusan ako ng tubig ni Malcolm sa mukha ko dahilan para magkaroon ako ng malay. Pagdilat ng mata ko ay pulang buwan ang bumungad sa akin. Naramdaman ko ang muling pagkagat ni Malcolm sa ilang parte ng katawan ko: braso, binti, mukha, leeg at sa pulso ko. Tila, sinisigurado niyang kakalat na ang lason na dala niya sa loob ng katawan ko. Lulang-lula na ako nang oras na iyon. Pakiramdam ko ay tuluyan na akong mamamaalam.
“Ewan ko na lang kung mabuhay ka pa sa ginawa ko sa iyo,” sabi niya habang nakangisi. Dalawa na ang tingin ko sa mukha niya. Tinaas ko ang kamay ko. Gusto kong humingi ng tulong sa kaniya. Gusto kong sabihin na tama na at iligtas niya ako. Ayoko pang mamatay dahil marami pa akong gustong gawin sa buhay ko pero, wala siyang ginawa kung di a
