Nagkaroon ng pagtitipon sa loob ng mansion dahil na rin sa kagustuhan ni Madam V. Ang tatlong pares na natanggal ay magkakasama na sa dining area pero hindi nila makita ang dalawang pares na sumalang sa huling task.
Hindi na rin halos matahimik ang kalooban ni Jasmin, hindi niya mapigilan ang sariling kagatin ang labi dahil sa inip na malaman kung nagtagumpay ba ang plano niya at kung wala nga bang nanalo.
Napatayo silang lahat ng bumukas ang pinto papunta sa dining room at pumasok si Madam V na sa pagtataka ng lahat ay hindi makapal ang make up at hindi rin bongga ang suot katulad ng mga nakakaraang araw na nakita nila ito. Malungkot ang ekspresyon ng mukha nito kaya naman lihim na nakaramdam ng saya si Jasmin dahil mukhang wala ngang nanalo.
Naglakad ito palapit sa kanila at naupo sa
