Chapter 9
"Are you ready to start your third day? I am!" masiglang sabi ni Madam V sa kanilang walong natirang pares.
Ang iba ay sumagot, ang iba naman ay kinakabahan para sumagot pero si Jasmin ay wala lang talagang pakialam kaya naman tahimik lang siya.
"Hm, mukhang bored ang iba sa inyo ha? Don't worry dahil espesyal ang gagawin ninyo ngayong araw na ito! Magkakaroon tayo ng kaunting twist." pumalakpak si Madam V at may nag-abot sa kaniya ng isang kahon. "Pipili kayo ng number at sasabihin ko sa inyo kung ano ang nabunot ninyo."
Una siyang lumapit sa unang pares na sina Jasmin at Jackson, sunod sa ikalawa na sina Vian at Yugi, Leslie at Piolo at huling bumunot ang pares nila Bianca at Harry.
