Aso at pusa ang naging relasyon nina Jasmin at Jackson sa nakaraang dalawang taong pagiging magkasintahan. Ngunit kadalasan ay si Jasmin ang umaaway sa nobyo pero hindi rin naman santo si Jackson para hindi mapuno kaya naman humahantong sa sagutan ang awayan nila ngunit sa tuwina naman ay si Jackson ang sumusuko at sumusuyo sa kaniya.
Hindi naman maitatanggi ni Jasmin na tigasin siya at hindi magpapatalo. Hindi pa rin nawawala sa kaniya ang pride niya at ang tapang. Hindi siya magpapaapi at hindi porke't siya ang babae ay siya na lang lagi ang magsisilbi. Hindi siya pinalaking ganoon.
Noong una naman talaga ay pumayag lang siyang maging nobya ni Jackson dahil sa kinukulit siya nito. Ngunit itanggi man ng kaniyang puso ay ramdam naman niya ang umuusbong na pagmamahal sa malaking bulas n
