Wala sina Miguel at Maxwell ng bumalik ako sa kwarto kinaumagahan. Kinabahan ako bigla. Naisip kong baka itinakas na ni Miguel ang anak ko. Ipinilig ko ang aking ulo sa isiping iyon. Hindi naman siguro gagawa ng ganun kasamang bagay si Miguel lalo pa’t naririto kami sa pamamahay niya.
Muli akong lumabas at dumerecho ng dining area.
“Ate, nakita niyo ba ang anak ko?” Tanong ko sa isang katulong na naabutan ko doon sa may kusina at nag-aayos ng hapag-kainan.
“Si Maxwell po ba, ma’am?”
Tumango ako. “Yes, ate. Nakita niyo po ba?”
“Kasama po ni Sir Miguel. Mag-jogging daw po sila.”
“Ganun ba? Kanina pa po ba sila umalis?” tanong ko kapagkuwan.
Hindi ako makampante lalo at lumabas silang mag-ama.
“Cardo, alam mo ba kung saan dinala ni Miguel ang anak ko?” Nilapit
