Sinigurado ko na wala na si Sir Miguel nang bumaba ako. Kinatok ako nito kanina bago umalis para magpaalam. Napaismid ako sa isiping kaya niya lamang iyon ginawa ay dahil sa pagkukunwari naming. Hindi ako tuminag sa tawag nito at nagkunwaring tulog. Ayoko siyang kausapin dahil naiinis ako sa kanya. Pero mas naiinis ako sa sarili ko dahil sa nararamdaman ko ngayon.
Nagseselos ka kasi kaya ka ganyan.
Oo, nagseselos nga ako. O, ayan inamin ko na. Crush ko kasi si Sir Miguel kaya natural na magselos ako kay Ma'am Adelle. Pero alam ko naman na hanggang doon lamang iyon. Hindi naman ako umaasa ng higit pa sa pagitan naming dalawa. Alam ko naman kung saan dapat lumugar.
Patamad akong naglakad pababa ng hagdan.
Kung hindi lamang kailangan tingnan kung naisara na ba ang mga bintan
