Kinabukasan, paggising ni Anna Liza ay nagulat pa siya dahil nauna na palang nagising si Jason sa kanya. Wala na ito sa tabi ni Allen at unan na ang pumalit doon.
Bumangon na siya para maghanda ng breakfast nila. Sanay na sanay na siya sa mga gawaing bahay dahil na rin sa gabay at turo ni Lola Milagros sa kanya. Dati nga, kahit karga niya si Allen noong baby pa ito ay nagagawa niya pa ring magluto. Ganoon na siya ngayon. Flexible na siya at nakakapagmulti-tasking pa siya. Things she never imagined doing six years ago. Pero ngayon ay sisiw na lang sa kanya ang pagluluto at paglalaba kahit binabantayan pa niya ang anak niya sa paglalaro.
Tinungo na niya ang kusina at nanlaki ang mga mata niya nang makitang may mga pagkain nang nakahanda sa mesa. At hindi iyon mga pagkain na inorder kundi m
