NAUWI SA paghahakot ng mga gamit ni Madison ang dapat sana'y date nila. At agad nilang inireklamo sa malapit na barangay ball ng Taguig City ang may-ari ng apartment na si Aleng Lucile.
"Ano po ba talagang puno't dulo nang nangyari?"
"Iyang babae na 'yan, e. Lumabag sa patakaran ko. Kabilin-bilinan ko palagi sa mga kliyente ko na hindi dapat magpatulog ng iba sa bahay ko. Pero wala, e, ginawa pa yata nilang motel ang bahay."
"Ilang beses na bang nangyari 'to, Aleng Lucile?" tanong ng chairman ng barangay.
"Kagabi lang. May nagsabi sa akin na madalas bumibisita sa bahay ang boyfriend niya."
"E, kagabi lang naman pala, e. Saka hindi tamang mag-judge agad tayo ng tao. At ayon din sa mga balitang nakalap namin, nakakabayad naman sa due date itong si Madison, kaya hindi tama na paalisin
