الفصل السادس

2592 Words

الفصل السادس من رواية حياة أسرت قلبي ???????? لماذا تفعل بنا الحياة ماتفعله لم تقسو علينا بهذا الشكل ولا ترحم ضعفنا وقلة حيلتنا اهو افتراء علينا ام ابتلاء من عندرب العالمين فاذا كان كذلك فلا حيلة لنا الا ان ندعو الله بما يرضيه لعل الف*ج ياتى قليلا فى شرم الشيخ تجلس على الشاطئ تنظر للا شئ لا تشعر بما يحدث حولها بينما مصطفى يجلس على الكرسي المجاور لها ينظر إليها بشغف وعشق يظهر على وجهه كان يتحدث اليها:نفسي ادخل جواكى واعرف انتى بتفكرى فى ايه نفسي ييجى اليوم اللى تتكلمى فيه واسمع صوتك انتى هدية من ربنا لية دخلتى علية حياتى واقتحمتيها من غير استئذان تاتى يسر من خلفه فتجده شاردا فى عالم اخر احم احم نحن هنا ايه ياابيه الهيام ده كله مصطفى : بتقولى حاجه يايسر يسر:بقول يعنى لو ينفع حضرتك تسيب القمر ده وتيجى معايا المؤتمر مافاضلش عليه كتير وحضرتك لازم تجهز نفسك مصطفى :تمام بس دخليها من البرد ويلتفت ليجد من يقول له دكتور مصطفى ازى حضرتك مصطفى ينظر اليه باستغراب دكتور مصطفى حضرتك مش فاكرنى مصطفى :اسف والله بس مش واخد بالي انا دكتور مالك عبد الرحمن ابن الاستاذ عبدالرحمن السيد اللى كان بيشتغل فى شئون الطلبه وحضرتك كنت بتدرسلي وانا فى الكليه مصطفى :ايوة افتكرته وافتكرتك اهلا وسهلا بيك عامل ايه ووالدك اخباره ايه مالك:اهلا بحضرتك يادكتور والله والدى الله يرحمه اتوفى من فترة وانا بجد مبسوط جدا انى قابلت حضرتك اكيد حضرتك هنا عشان المؤتمر الطبي مصطفى :ايوة فعلا مالك:انا لسه واصل من انجلترا بعد مااخدت الدكتوراة وجاى انا كمان عشان المؤتمر مصطفى:وانت تخصصك ايه بقى يادكتور مالك مالك:امراض نفسيه وعصبيه ثم ينظر الى يسر بنت حضرتك يادكتور مصطفى :يسر اختى الصغيرة وتعتبر بنتى بتحضر دراسات عليا يمد مالك يديه ليسلم عليها ويبتسم لها ابتسامه تدل على اعجابه بها اهلا بيكى يسر:اهلا بيك يادكتور ثم ينظر لتلك الشارده التى لاتدرى شيئا مما يدور حولها فيلتفت مالك لهذا الامر فهو قد درس حالات مشابهه لحالتها فى انجلترا ويعرف جيدا اكتشافها بمفرده وكيفية التعامل معها فيتجه ناحيتها دون الاذن من مصطفى او حتى محاولة معرفة مدى قرابتها له هو فقط الان دكتور مالك يجلس بجوارها ثم يتحدث الى اللا شئ امامه وكانها ليست موجوده ثم يقول البحر منظره جميل اوى ده اجمل منظر ممكن للعين انها تشوفه وخصوصا لما نكون عاوزين نهرب من حالتنا وننسى اللى احنا مرينا بيه فى حياتنا كان مصطفى متعجبا من مالك ومن تصرفه وجراته ولكنه فهم انه قد يكون على علم بحالتها ولذلك ترك له المجال ليتحدث دون تدخل منه لعله يستطيع فعل مالم يفعله قبله يجلس هو ويسر وينتبهان لما يفعله مالك مع تلك الشارده مالك:ياه فى ستات وبنات كتير بيعملوا عمليات تجميل ويعرضوا نفسهم للخطر عشان يتمتعوا بالجمال اللى انا شايفه قدامى ده مبيردوش بنعمة ربنا اللى اداهالهم ويحمدوا ربنا ويعرفوا ان محدش كامل وميعرفوش كمان ان فى اوقات كتير الجمال بيكون نقمه على اصحابه ثم يمد يديه للسلام عليها ويطبطب عليها برفق وحنان يااه ايدك فيها دفء غريب بيفكرنى بدفء امى الله يرحمها كان نفسي اوى انها تكون عايشه وتشوفنى وانا دكتور كان كل حلمها فى الدنيا انى اكبر واكون دكتور بس للاسف ماتت قبل ماتشوفنى انا ان**رت اوى بعد موتها ومفيش حاجه قوتنى وخلتنى افوق لنفسي غير صورة امى اللى مفارقتش خيالى لحظه هى اللى عرف*نى معنى الحياة وهى اللى خلت حياتى ليها طعم كلمات قليله قالها مالك لها بدأ يحرك فيها مالم بستطع الاطباء الاخرون تحريكه بينماتلك التائهه تنصت لتلك الكلمات التى اخترقت سمعها امى حياة. حياتى. دكتور. حلم صورة كلمات ترجمت فى عقلها الباطن الذى يريد ان يثور ويحطم تلك القيود وتفك وثاقه الذى عقد من حديد كاد عقلهاان ينفجر فهى تحاول العوده للحاضر ولكنها لا تستطيع مساعدة نفسها تريد حقا ان تصرخ ولكنها مكبلةالايدي والارجل بقيود يصعب فكها بسهوله بعد تلك السنوات كانت كالمشلوله تريد ان تتحرك تتكلم تصرخ بكل وجع السنين ولا تستطيع التفوه بحرف فقط كل ماحدث وقتها دمعه دمعه فقط نزلت من عينيها على خدها كانت كفيله بان بنهار مصطفى من هول المفاجاه مش ممكن مش معقول يسر يسر انتى شايفه اللى انا شايفاه واللا انا بحلم يسر بفرحه:ايوة ياابيه شايفه دى بدات تستجيب مش معقول قام مصطفى واخذمالك فى احضانه انت جتنى منين انت عملت فى ثوانى اللى مقدرش كل الدكاترة انها تعمله مالك:بس دى اول مرحله فى العلاج وخد بالك يادكتور يااما الحاله حتتحسن يااما حنرجع لنقطة الصفر تانى ووقتها عمرها ما حترجع طبيعيه تانى عشان كده انا محتاج اخدها عندى فى المستشفى اللى انا شغال فيها وانا بنفسي اللى حقوم بعلاجها مصطفي :قبل اى حاجه انا عاوز اعرف انت ازاى عرفت انها مريضه مالك:بص يادكتور الامراض النفسيه والعصبية بقت امراض العصر وهى اكتر امراض ممكن يتعرضلها اى شخص فى الزمن ده وده اللى شجعنى انى اتخصص فى المجال ده انت تعرف يادكتور ان حالات الانتحار فى الغرب زادت اوى بسبب الامراض النفسية ولان معندهمش ايمان بربنا بيكون اسهل حل بالنسبه لهم هو الانتحار وانا الدكتوراة بتاعتي كانت فى التعامل الانسانى مع المريض اكتر من كونه تعامل طبيب بمريض مصطفى :بس انا عرضتها على دكاترة كتير اوى يامالك واخدت علاج كتير ومفيش اى نتيجه مالك :مرة يادكتور وانا صغير تعبت اوى وماما فضلت تلف بية على دكاتره كتير وعلاج واشعات وتحاليل وفى الاخر ودتنى مستوصف خيري جمب البيت الدكتور كتبلى على برشام عارف يادكتور تمنه كام تمنه كان خمسه جنيه طب والله خفيت عليه وبقيت زى الفل وقتها امى قالت يوضع سره في اضعف خلقه حضرتك مقصرتش معاها وعرضتها على اكبر دكاترة بس كلهم اتعاملوا مع الحاله من الشكل الخارجى محدش فكر يعرف ايه اللى جواها وايه اللى وصلها لكده بص يادكتور شوف تعبيرات وشها هى اكيد اتعرضت لحاجه فوق طاقتها خليتها متقدرش تواجه العالم بيها عشان كده قررت تحصر نفسها فى الحاله دى عشان كده انا محتاج من حضرتك يادكتور تحكيلي كل حاجه لان اى تفصيله مهما كانت صغيرة ممكن تساعد فى الشفا مصطفى :بس انا معرفش حاجه عنها مالك:ازاى مش فاهم مصطفى :انا ححكيلك كل حاجه ????????فى منزل حياة يدق الجرس فتذهب عزة لفتحه شهد:حياة موجوده عزة:اهى متلئحة جوة خشيلها يااختى تفتح شهد الباب حياة:شهد ازيك يا حبيبتى شهد وهى تبكى:حياة انا اسفه والنبي متزعليش منى حياة:شهد انتى ملكيش ذنب فى حاجه ياحبيبتي الذنب ذنبي انا وغلطتى انا شهد:حياة محمود خطب حياة :....................... شهد :مش حتقولى حاجه حياة:حقول ايه يعنى ياشهد ماهو قال كل حاجه خلاص فخبر خطوبته مش حيكون مفاجاة بالنسبه لي شهد:حياة انا كان لازم اقولك عشان تفوقى من حبه والله ده مايستاهلش دمعه واحده من عينيكى وان شاء الله ربنا حينصرك ويعوضك خير ياحبيبتي حياة:خلاص يا شهد ملوش لزوم الكلام ده دلوقتى هو اختار اللى تناسبه وانا كمان حختار الحياة اللى تناسبني شهد:ربنا يكتبلك الخير من عنده يارب تدخل عزة عليهم بقولك ايه ياشهد ماتعقلى صاحبتك كده وخليها توافق على العريس اللى متقدملها شهد:عريس متقدملك مين ده ياحياة عزة:محسن شهد :محسن مين عزة :هو احنا نعرف كام محسن محسن سبهلله شهد وهى تض*ب على ص*رها :يانهار اسود محسن البلطجى انتى اتجننتى ياعزة ازاى تفكرى فى حاجه زى دى بقى حياة تتجوز دى حرام عليكى ياشيخه وانتى ياحياة اوعى توافقى انتى فاهمه اوعى توافقى عزة:نعم ياحلوة مش بمزاجها ياقلبي توافق متوافقش حتتجوزه ورحليها فوق رقبتها الى هنا ولم تشعر حياة بنفسها الا وهى ممسكه عزة من رقبتها تريد خنقها انتى ايه عاوزة منى ايه تانى حرام عليكى حرام عليكم ربنا ينتقم منكم ضيعتونى وضيعتم مستقبلي خليتوا الانسان الوحيد اللي حبيبته يحتقرنى ويسيبنى سيبت المدرسه وبقيت زى اللعبه فى ايدكم انا حضيعكم زى ماضيعتونى يابت ال........... كانت شهد تصرخ وتحاول ابعاد يد حياة عن عزة حتى دخل عمها على هذا الصوت فنزع يدها من على رقبة عزة باعجوبه واخذ يكيل لها الض*بات انتى كنت عاوزة تموتيها يابت ال......... انا حكتب كتب كتابك على محسن وحتمشي وتغورى من هنا ويقوم بطرد شهد خارج الشقه بينما تذهب شهد وهى تبكى على حال صديقتها تفتح لها امها الباب ترتمى فى حضنها خديجه:خير ياشهد فى ايه ياحبيبتى شهد وهى تبكى:حياة ياماما حيجوزوها محسن البلطجى حرام والله ده حرام ليه يحصل لها كل ده حياة لاء متستاهلش اللى بيحصلها ده خديجه:بسم الله الرحمن الرحيم أعوذ بالله من الشيطان الرجيم اهدى ياشهد اهدى ياحبيبتى محمود يدخل :فى ايه مالك انتى اتجننتى واللا ايه شهد:ابعد عنى متقربليش انا بكرهك بكرهك يامحمود انت زى عزة وعادل متفرقش عنهم حاجه حقير زيهم انت كمان السبب فى اللى حصلها انا مش عاوزة اشوف وشك ابعد عنى ربنا ينتقم منكم ربنا ان شاء الله حيجيبلها حقها منك انت وعزة وعادل وكل اللى ظلموها حسبي الله ونعم الوكيل فيك روح اتجوز وافرح وانبسط مع المهندسه اللى من مقامك بس متنساش ان دعوة المظلوم ليس بينها وبين الله حجاب وانسى ان ليك اخت اسمها شهد انت من النهارده لا اخويا ولا اعرفك وتجرى على غرفتها وتغلقها على نفسها بينما محمود فى صدمه مما سمعه من اخته لم يستطع الرد او الدفاع عن نفسه خاصة وانه راى نفس النظرة فى عيون امه ترك المنزل لهم وخرج ??????? عند حياة محسن:يعنى خلاص حتجوز حياة عادل:ايوة كتب كتابكم كمان يومين بس بشرط تلاتين الف جنيه يتحطوا ادامى محسن:هما عشرين مفيش غيرهم عزة:وانت حتشغلها بعد الجواز محين:مالكيش فيه ياعزة ياللا سلام حروح احضىر نفسي كانت حياة فى الداخل تتحدث الى نفسها لا انامش حستسلم ليهم لحد ماالاقى نفسي متجوزه الحيوان ده ???????يقترب وقت اذان الفجر تفتح حياة باب الشقه وهى تنظر لها وتودعها الوداع الاخير وتتذكر كل ذكرياتها الجميله مع امها التى طالما حلمت ان يجمع بينهما القدر تتحرك ببطء حتى لايشعر بها احد ومعها اوراقها الشخصيه وهاتفها واموالها القليله وملابسها التى لاتعد على الاصابع تخرج من العمارة وتمشي فى الشوارع وهى لاتعرف اين ستذهب ولمن تلجا تجد قدماها تجرها الى محطة القطار فتركب حتى انها لم تكن تعرف الى اين سيتجه ولكنها تدرك انه ذاهب إلى الاسكندريه تجلس على المقعد تنظر للطريق وهى تدعو ربها ان يف*ج همها ويجعل فى طريقها من ييسر لها الامور تنزل فى الاسكندريه وتتخبط فى الناس وتمشي على قدميها حتى تلمح بعينها البحر البحر الذى كان امنيتها ان تذهب اليه هاهو امامها الان كانت كالطفله الصغيرة فرحت بشده وذهبت الى البحر وهى غير مصدقه عينيها واخذت تشم رائحته وفجاة استمعت لصوت بكاء ات من خلفها نظرت خلفها لتجد فتاه جميله تقريبا فى نفس عمرها او اصغر قليلا نست ماهى فيه من الام وانتبهت لتلك الدامعة العينين حياة:خير يا حبيبتى مالك فى حاجه تحبي اساعدك فى حاجه _لاء اللى انا فيه مصيبه محدش حيعرف يحلها لى حياة:كل مشكله وليها حل واوعى تياسي من رحمة ربنا ابدا اتكلمى باحبيبتى انا سامعاكى _اسمى نور وانتى اسمك ايه حياة اسمى حياةمتخافيش منى انا عندى مشاكل ربنا وحده هو العالم بيها ارمى حمولك وقولى يارب نور:يارب انا معرفكيش بس حاسه اني ارتحتلك عشان كده حقولك انا فعلا محتاجه اتكلم مع حد انا من حوالى سنه اتعرفت على واحد من على النت بعتلى طلب صداقه وانا وافقت عليه وعرفنى بنفسه انه دكتور تجميل انا فى الاول كنت شاكه فيه بس لما دخلت صفحته ولقيت الكل معلقله على انه دكتور واطمنت ليه بدات المحادثات تكتر بيننا وبعد كده طلب منى يكلمنى صوت ووافقت وبعد كده طلب يكلمنى فيديو وبردو وافقت اتكلمنا كتير وقاللى انه اعجب بية وحبنى وعاوز يتقدملى وطلب منى ابعتله صور لية يوريها لما مته ومن حوالى شهر تقريبا فاجئني بشخصيته الحقيقيه وانه لا دكتور ولاحاجه ولاانا والله مش وحشه انا من عيلة محترمه بس الفراغ اللى انا عايشه فيه هو اللى وصلنى لكده حياة:طب كملى ياحبيبتى وبعدين نور:وبعدين طلب منى اقا**ه ولما رفضت هددنى بالمحادثات اللى بيننا والصور اللى عنده وقاللى انه حيبعتها لاخويا حياة:وانتى قابلتيه نور:لا والله ماقابلته ولاحقابله انا مش كده ياحياة انا طول عمرى فى حالى دايما اخويا كان يهزر معايا ويقوللى انى تخينه ومش حلوة ومفيش راجل حيبصللى وانا بقيت بتعامل مع الناس على الاساس ده وبخاف اعلق نفسي باى حد عشان متصدمش فى الاخر حتى مراة اخويا دايما تقوللى انتى مش استايل ولا عمرك حتجذبي اى راجل ليكى مع انى والله بشترى هدومى وكل حاجاتى من اغلى الاماكن عشان كده لما الراجل ده بعتلى وقعد يتغزل فية واقنعنى انى جميله جدا صدقته وفرحت وحلمت ان حعيش قصة حب زى اى بنت عاديه مكنتش اعرف انه كداب حياة:طيب بصي يا حبيبتى اولا كده انتى ليه مقتنعه انك مش حلوة والله العظيم انتى امورة ورسمة عينيكى جميله ولون بشرتك قمحى جميل واذا كان عالتخن فى حاجه اسمها ريجيم رياضه واهم حاجه يكون عندك ارادة وتحطى فى دماغك حخس يعنى حخس اما بالنسبه لاخواتك اللى بيحبطوكى دول طلعيهم من دماغك وخللى عندك ثقه فى نفسك والله انا اعرف بنات وستات شكلهم استغفر الله العظيم بس عندهم ثقه في نفسهم يالهوى نش عاوزة اقولك تبه شبه حنفى وتقولك انا جوزى بيقوللى انتى احلى من نانسي عجرم لدرجة انى انا افتكرتهم حلوين وصدقتهم فانفجرت نور فى الضحك من طريقة كلام حياة ثم تبعتها حياة واخذا يضحكان بشده حتى ان حياة نست ماهى فيه من هموم واحزان قالت نور:لا ياحياة مش اخواتى الاتنين هو فارس بس اللى دايما حارق دمى مع ان ملك مراته دى زى الملاك بس ياعينى معندهاش ولاد تعرفى انه دايما يتريق عليها عشان دايما بتلعب مع ولاد اسر اخويا ومهتميه بيهم وكل شويه يقوللها انتى مش فالحه غير فى كده لكن تتشطرى وتجيبيلى عيل مش عارفه وهى ياعينى بتصعب علية اوى لكن اسر اخويا الكبير ده حاجه تانيه خالص انا اصلا بحسه بابا مش اخويا حنين علية اوى ودايما يقوللى انا اللى سميتك نور عشان اتتى نورتى حياتنا انتى عارفه ياحياة لما بيكون عنده قضيه اصل هو محامى بس ما شاء الله عليه شاطر اوى ولما بيسافر اى مكان عشان قضيه والله دايما يفتكرنى باى هديه لكن مراته دى بقى ياباى عليها متتعاشرش انتى عارفه ياحياة انا اوقات كتير اقول المفروض نعمل بدل فارس يتجوز شيرين واسر يتجوز ملك حياة:هههههه هههههه هههههه والله انتى زى العسل ده كفاية خفة دمك بجد انا مبسوطه انك فتحتيلي قلبك واتكلمتى معايا نور:بجد مش عارفه بس انا بجد ارتحتلك اوى حسه انى اعرفك من زمان بجد انتى جميله اوى تعرفى ان مراة اسر الله يرحمها كان عندها غمازة زى اللى عندك بالظبط حتى بنته تولين هى كمان عندها نفس الغمازة حياة:مراة مين هوانتى يابنتى مش قلتيلى ان مراة اخوكى اسر بارده ومتتطاقش نور:ايه ده هو انا مقلتلكي حياة:لا وربنا مقلتليش فاخذا يضحكان بشده نور وهى تضحك بصي حفهمك اسر كان متجوز جنى الله يرحمها ودى بقى كانت زى العسل وعليها خفة دم محصلتش وكانت مهتميه باسر بشكل لدرجة انها خلته يموت فيها وجابت سيلين وتولين توام بس سبحان الله تشوفيهم متقوليش توام ابدا مش شبه بعض اوى يادوب تقولى اخوات بس فيهم شبه من اسر وجنى مامتهم بس ياعينى جالها سرطان فى المعده واسر عملها العملية برة واتبهدلت فى العلاج وبعد كده ماتت بس قبل ماتموت وصت اخويا يتجوز اختها شيرين عشان تربي البنات بس ولا ربت ولانيله ده انا وماما وملك اللى مهتميين بالبنات بدات الدنيا تميل للمغيب فسكتت حياة وشردت وتذكرت انها بلا ماوى ماذا ستفعل يجب عليها ان تتحرك لتجد مسكن تلجا اليه وتبدا من الغد فى البحث عن عمل فى اى مكان نور:حياة انتى سرحتى فى ايه فى حاجه شغلاكى حياة:ايه لا ابدا بس احنا مفكرناش حنعمل ايه فى مشكلتك :بكت نور ثانية وهى تقول والله مش عارفه ياحياة انا خايفه بجد اوى لو قال لاسر حعمل ايه وحيبقى شكلى ايه قدامهم حياة:بقولك ايه انتى طبعا معاكى رقم تليفونه نور:ايوة معايا حياة:طب اتصلى عليه واعملى اللى حقولك عليه بالظبط ???????? عند عزة وعادل عزة :انت مضايق نفسك ليه مافداهيه ريحتنا منها ومن ق*فها عادل:مش بت اخويا ياعزة عزة:بت مين ياعينيه قول انك زعلان عشان الفلوس اللى كنت حتلهفها من محسن محسن يالهوى حنقوله ايه المنيل ده كمان محسن:بس تفتكرى تكون راحت فين ده انا قلت يمكن تكون راحت عند صاحبتها اتاريها مارحتش تفتكرى تكون فين عزة:تكون زى ماتكون المهم انها غارت فى داهيه ?????? عند شهد ياحبيبتى ياحياة ياترى رحتى فين وازاى تمشي من غير ماتقوليلي خديجه:ياحبيبتى متعمليش فى نفسك كده انا خايفه عليكى يا قلب امك شهد:صعبانه عليا اوى يا ماما خايفه عليها مش عارفه حيحصلها ايه دى عمرها ماسافرت ولا راحت ولاجت هى ليه الدنيا عامله فيها كده يا ماما ليه يحصلها هى ومامتها كده ليه ليه ليه خديجه :كل حاجه ليها حكمه عند ربنا يابنتى وياعالم يمكن ربنا يكتبلها الخير شهد:امين يارب العالمين ???????? انتهى الفصل ويارب يكون عجبكم وياريت تقولولى رايكم فى الاحداث وبعتذر لو كان فى اى قصور فى الروايه بس انتوا عارفين احنا داخلين على الامتحانات ومشغوله مع الطلبه والولاد متنسوش تعليقاتك وتوقعاتكم

Free reading for new users

Scan code to download app

App Store Google Play

Facebookexpand_more