الفصل الثاني

2488 Words

الفصل الثانى من رواية حياة أسرت قلبي ???????? فى احدى الاماكن رديئة المستوى نجد رجلا يتحدث الى زوجته انتى ياعزة انتى ياست هانم مش ناويه تقومى بقى تحضريلنا الفطار واللا حتفضلى نايمه للعصر زى كل يوم عزة:ييه بقى كل يوم تعمللى الغاغه دى عالصبح ماتقوم تطفح نفسك اعملك سندوتش وانت ساكت عادل:وانتى يبقى لزمتك ايه لما انا اللى احضر لنفسي الفطار عزة:هههههه لزمتى ايه مبلاش بقى افتحلك عالصبح لزمتى انى انا اللى فاتحالك البيت ياحبيبي لزمتى انى انا اللى بشتغل وبصرف عليك وان لولايه كان زماننا موتنا من الجوع عادل:ييه هو انتى كل شويه تعايرينى وتفكرينى انك انتى اللى بتصرفى علية انا من بكرة حروح ادور على شغل بدل كلامك اللى زى السم ده والاسطوانه المشروخه اللى كل شويه تسمعيهالى عزة:تدور على شغل انت بتضحك على نفسك واللا علية شغل ايه ياابوشغل هو انت عمرك عمرت فى شغلانه كل شغلانه متعمرش فيها اسبوع على بعضه ويطردوك طبعا هو فى حد يشغل بلطجى عنده يبوظلهم الشغل ويعمل مشاكل كل شويه واد*ك اهوه قاعدلى زى خيبيتها لاء وكمان ليك عين تتشرط وتتامر ده انت اكل شارب نايم ببلاش ولا كانها لوكانده وبتاخد منى مصروف ولا كانى خلفتك عادل:ماخلاص بقى وزتى قومى بقى انا جعان الله يخرببيت فقرك عزة:اللى يسمع كده يقول انى ححضر المحمر والمشمر واللا حنعمل زى ولاد الزوات ونفطر فى الجنينه بلا خيبه عليك وعلى عيشتك السوده انا مش عارفه كان عقلي فين لما اتنيلت ووافقت اتجوزك كنت فاكراك حتهنينى اتارينى وقعت ومحدش سما علية عادل:جتك نيله وانتى ست فقر انا مش عاوز منك حاجه انا سايبلك البيت وماشي عشان ترتاحى عزة:بالسلامه ياحبيبي بس حتروح فين ان شاء الله هو انت مكان غير هنا عادل:انتى صدقتى واللا ايه ده انا بهزر هو فى حد بردو يسيب بيته ومراته اللى بيموت فى دباديبها عزة:البيت قصدك القمقم اللى عايشين فيه ده انا الرطوبه كلت جسمى نفسي اعيش فى شقه حلوة تدخلها الشمس فى وسط ناس عدله مش معيشنى فى وسط ناس زباله كل يوم خناقات وقتل وقرف نفسي اتستت وابقى هانم ويتصرف علية انا مش عارفه انت مطلعتش زى اخوك ليه كان راجل ولا كل الرجاله كان مستت مراته ومهنيها لاء وايه جاب لهم شقه حلوة شرحه وبرحه والشمس فيها طول اليوم عادل:اخويا كان جايب الشقه بالقسط وانتى عارفه انه كان بيشتغل بالاجرة واليوم اللى يقعد فيه ميلقيش الاكل هو وبته ومراته لكن مراته ست جدعه وقفت جمبه لحد ماخلص اقساط الشقه مش كل شويه تعايره زيك عزة:اه يااخويا ويادوب خلص الاقساط واتكل على الله والست هانم هى وبتها عايشين مبرطعين فى الشقه اللى ترد الروح واحنا متلقحين هنا عادل:وانا اعمل ايه يعنى قلتلك اتجوزها ونعيش كلنا فى الشقه وانتى اللى رفضتي عزة:لا والنبي شوف ازاى انت بتستعبطنى ياعادل انت فاكر انى دقه عصافير ومش عارفه انك رحتلها وعرضت عليها الجواز وهى اللى رفضت عادل:اه يا اختى رفضت واهى عايشه هو وبتها براحتهم وهى بتشتغل وبتصرف على بتها وقال ايه عايزاها تبقى دكتورة عزة:دى بتستعر مننا ومش عاوزانا نقرب منهم عادل:بصراحه معاها حق مااحنا مش منظر يردو عزة :اتكلم عن نفسك ياحبيبى انا اشرف اى حد مفيش حاجة مقلله منى غير جوازى منك عادل:تصدقى بالله انى نفسي اتسدت وسايبلك البيت وماشي عزة:احسن بردو بس استنى عندك وتفتح الدرج وتعطيه مبلغا من المال خد هاتلنا غدا وانت راجع انا مليش نفس النهارده اعمل اكل عادل:ماشي ياوزتى تحبي اجيبلك اكل ايه عزة:اى حاجه المهم معملش اكل وياللا بقى اتوكل شوف نفسك رايح فين وتضع راسها على المخده لتستكمل نومها ???????? فى شرم الشيخ يجرى كامل مكالمه مع عفاف كامل:طمنينى ياعفاف الشغل عامل ايه عفاف:تمام كله تمام يابشمهندس بس كان فى حاجه عاوزة اقول لحضرتك عليها كامل:خير ياعفاف قولى عفاف:اصلي كنت حاسه يعنى ان ياسر وهنا تدخل زوجة كامل عليه معلش ياعفاف انا حقفل معاكى دلوقتى وحكلمك كمان شويه عفاف:طيب حاضر يابشمهندس زوجة كامل:ايه ياحبيبي انت سيبتنا عشان تكلم عفاف كامل:بطمن عالمصنع ياحبيبتى زوجته:وهو يعنى مينفعش تطمن عليه غير من الست عفاف دى كامل:مالك ياناهد بتتكلمى كده ليه ناهد :بصراحه مش عاجبنى الوضع ده كامل:وضع ايه ياناهد اللى مش عاجبك ماتتكلمى ناهد :حساك مدى عفاف دى اكبر من حجمها ايه فهمها هى فى ادارة المصنع هو مش ياسر المسئول واللا ايه الحكاية بالظبط متفهمنى كامل:افهمك ايه انتى شكلك اتجننتى ناهد :لا متجننتش ياكامل انا واحده بحب جوزى وبغير عليه كامل:وده شئ يسعدنى ياناهد بس تغيري عليه من عفاف ناهد :هى مش ست وحلوة يبقى اغير واللا لاء وكذا مرة اروح المصنع الاقيها عندك فى المكتب اوعى يكون فى بينكم حاجه وانا نايمه على ودنى لا وربي ماحسكت ده انا اهد المعبد عليك انت عارف انى لية نص المصنع ولو عملت حاجه من ورايا ياكامل والله لحخربها على الكل كامل:اولا ياناهد انا عمرى ماعملت حاجه من وراكى انا كل حاجه اعملها بتبقى فى النور وانتى علرفانى كويس يابنت عمى وثانيا انا حفض الشراكه اللى بيننا وحد*كى فلوسك كلها وانا حفتح المصنع بفلوسي ولو عاوزة المصنع كله خديه حلال عليكى انا مبتهددش ياناهد وثالثا يعنى اليومين اللى قلنا نغير فيهم جو عاوزة تعكننى علينا فيهم طيب تماما اوى انا حنزل حالا وخليكي انتى والولاد وتعالوا براحتكم ناهد:كامل انا مقصدش والله حقك علية انا بحبك وبغير عليك كامل:حقك تغيري ياناهد وده شئ يفرحنى ميضايقنيش بس من غير ماتتهمى حد بالزور انا صحيح بتعامل مع عفاف كويس بس ده عشان هى فعلا مجتهدة فى شغلها وبتخدم المصنع باخلاص وثانيا عشان هى غلبانه وبتصرف على بنتها اليتيمه ولعلمك انا جبتلها اكتر من عريس بس هى اللى دايما بترفض لانها مفيش فى دماغها غير بنتها وبس عفاف دى انسانه طيبه ولو عرفتيها بجد مش حتشكى لجظه واحده وانا عمر ماكان في حياتى حد غير مراتى حبيبتى ام ولادى وبنت عمى ناهد :انا اسفه ياحبيبى حقك علية كامل يتركها ويخرج بينما ناهد تحدث نفسها هبلة انا بقى وصدقت الكلمتين دول لا انا لازم اتصرف مش حستنى لما تاخده منى ايوة انا شفتها كذا مرة عنده فى المكتب وهى حلوة وصغيرة وارمله تمسك التليفون وتجرى اتصالا الو ايوة ياياسر ازيك ياسر عاوزاك تفتح معايا مخك كده وتفهم حقولك ايه كويس ???????? فى منزل شهد محمود:ايه يا ام ل**نين عامله ايه فى المذاكره شهد:الحمد لله يامحمود بس الثانويه العامه دى صعبه اوى انا مش متخيله انى حقعد المده دى كلها اذاكر محمود:حتجرى هوا ولو مذاكرتيش من دلوقتى مش حتلحقى نفسك شهد:يامحمود احنا لسه فى شهر اغسطس والامتحان لسه كمان عشر شهور محمود:ماشي يافالحه شوفى صاحبتك مجتهده ازاى وبتذاكر كويس شهد:حياة نفسها تحقق امل مامتها وابوها وتبقى دكتورة وهى طيبه وتستاهل كل خير محمود:وانتى معندكيش طموحات ياشهد شهد:بصراحه مش عارفه ياحوده انا نفسي ادخل طب عشان اكون مع حياة ومبعدش عنها لكن من جوايا مش عارفه انا عاوزة ايه ولما بشوف ناس مجتهده وجابت مجموع صغير بخاف اوى لان ظروف الامتحانات هى اللى بتحكم محمود:بصى ياشهد انا معرفش حاجه اسمها ظروف كلمة ظروف دى هى الشماعه اللى بنعلق عليها اخطاءنا عشان نعمل الغلط وضميرنا مرتاح اللى عاوز يعمل حاجه بيعملها واللى عاوز يوصل لهدف بيوصله مهماكانت الصعوبات شهد:ايوة يامحمود بس اوقات ظروف الانسان هى التى بتتحكم فيه يعنى مثلا هنا بنت البواب اللى فى العمارة اللى بناخد فيها درس الاحياء البنت دى جابت مجموع كلية الطب ومقدرتش تدخل عشان ظروفهم الماديه صعبه وابوها قاللها احتا مش اد كلية الطب واضطرت تدخل كلية تمريض عشان الظروف حكمت عليها بكده محمود:هى غلطانه كانت اصرت تدخل وممكن كانت تشتغل وتساعد فى المصاريف لكن من غير ماتستسلم للظروف وترجع تقول ظروفى هى اللى حكمت علية بكده بصي ياشهد من الاخر كده اللى عاوز يعمل حاجه بيعملها وبلاش حجج ملهاش لزمه شهد:انت تفكيرك غريب اوى يامحمود محمود:ليه غريب ليه انا بقول اللى مقتتع بيه شهد:الا قوللى يامحمود هو انت ايه اللى لفت نظرك فى شهد وعجبك فيها محمود:عندها عزيمه واصرار على حاجه وحتوصلها شهد:يارب ياحوده انا نفسي شهد تحقق حلمها متعرفش حبقى مبسوطه ازاى محمود:وهو يخبطها على راسها ماشي ياشهد هانم حسيبك بقى يمكن ربنا ينفخ فى صورتك وتدخلى اى حاجه عدله وانا حقوم اروح اذاكر مع واحد صاحبي شويه شهد:ماشي ياحوده ينزل محمود على السلم فيقابل حياة على السلم وهى تصعد الى شقتهم حياة وقلبها يدق من الفرحه برؤيته:محمود ازيك وتمد له يدها محمود يمد يده للسلام عليها:ازيك ياحياة عامله ايه ومامتك اخبارها ايه حياة :الحمد لله والله بخير محمود:وعامله ايه فى المذاكره حياة:الحمد لله بذاكر والله محمود:لو فى حاجه محتاجه فيها مساعدتى قوليلي انتى عارفه غلاوتك عندى حياة:هاه مش عارفه لا مفيش واللا ايه طب بص حشوف واقولك محمود:هههههه فى ايه يابنتى متركزى حياة فى سرها:يالهوى على جمال امك ده انت امور اوى يابن الايه وعليك ضحكه تدوخ ياربي انا عاوزة اقوله انى بحبه محمود:حياة رحتى فين شكلك كده مش مركزه معايا خالص حياة:لا والله مركزة بس يعنى محمود:طب ياللا اطلعى لشهد مينفعش نقف كده عالسلم عشان محدش يتكلم عليكى انتى متعرفيش غلاوتك عندى حياة وهى تنظر للارض بخجل :حاضر فيفسح لها محمود الطريق وتصعد وينظر خلفه عليها ثم ينزل على السلم ليذهب الى احد اصدقائه بينما حياة تصعد الى شقة شهد وتطرق على الباب وتفتح لها شهد وتصطحبها للداخل شهد:حياة بت ياحياة رحتى فين انتى مالك تايهه كده ليه حياة:مفيش شهد:بت علية انتى شفتى محمود وانتى جايه حياة:ايوة وقفنا مع بعض شويه على السلم واتكلمنا مع بعض شهد:وايه كمان ياموزتى حياة:قاللى لو محتاجه حاجه اشرحهالك شهد:الواطى قليل الاصل ده انا امبارح اتحايلت عليه يشرحلى حاجه فى النحو قاللى مش فاضيلك حياة:............... شهد:يادى النيله علية يابت اجمدى كده شويه يخرببيت سنينك مش قلتلك تتقلى حياة:مش عارفه ياشهد لما بشوفه بنسى كل حاجه بحس انى فى دنيا تانيه مش شايفه فيها غير محمود وبس شهد:ياياحياة انتى بتحبيه اوى كده حياة:اوى ياشهد اوى انا طول الليل بحلم بيه شهد:حياة انتى اختى وحبيبتى وصاحبتى الوحيده وربنا يعلم انى نفسي تبقى مراة اخويا بس انا مش عاوزاة حبك لمحمود يخليكى كده لان محمود اخويا وانا فاهماه اكتر من اى حد فى الدنيا محمود كويس وانا متاكده انه بيحبك وجواه مشاعر حلوة تجاهك بس محمود بيفكر بعقله اكتر من قلبه ومبيخليش حاجه تسيطر على مشاعره يعنى مش حتلاقى فيه الشخص الرومانسي اللى بتحلمى بيه هو جدع وكويس ومحترم لكن مش حياخدك ويجرى بيكى على البحر وتجرى فى عز الشتا وتستخبي فى حضنه زى الست اليسا محمود عملى وتفكيره احيانا كتير بيكون بعيد عن القلب والمشاعر حياة :ايه ياشهد فى ايه انتى سديتى نفسي فصلتينى ياشيخه خرجتينى من عالم الاحلام الورديه اللى كنت عايشه فيها شهد:عشان انتى تهمينى ولازم اوعيكى حياة:انتى متاكده انك ادى فى السن انا بحسك اكبر منى بكتير ياشهد مع انك تبانى مكبرة ومش فى دماغك حاجه ونص كلامك هزار بس لما بتكلم معاكى بحسك اكبر من سنك شهد:قدرات يابنتى هههههه ♥️♥️♥️♥️♥️♥️♥️♥️ فى المساء تجلس عفاف الى جانب ابنتها حياة حياتى اخبار المذاكرة ايه ياقلبي حياة:متقلقيش علية يافوفه كله تحت السيطرة عفاف:يارب انا بدعيلك فى كل صلاة ربنا ميضيعش تعبك ياحبيبتى حياة:ان شاء الله ياماما حفرح قلبك ماما انا اسفه بس عفاف:خير ياحبيبتى فى ايه حياة:اصل مدرس الاحياء عاوز بكرة الفلوس عفاف:خضيتينى ياحياتى حاضر ياحبيبتى حقوم اجيبلك الفلوس حياة:وهى تقبل يدها :ربنا ميحرمنيش منك ياست الكل عفاف:ةلا يحرمنى من حياتى كلها حياة :ماما صحيح هو مين اللى سمانى حياة عفاف:ليه ياحبيبتى هو اسمك مش عاجبك حياة :بالع** ياماما ده حلو اوى تعرفى انى الوحيده فى المدرسه اللى اسمها حياة بس كله بيسالنى ليه سموكى حياة وانا معرفش عفاف انا حقولك ياحبيبتى لما اتجوزت انا وباباكى كانت ظروفنا صعبه اوى وباباكى كان بيشتغل يوم وعشرة لاء وياما عدت علينا ايام مكناش بنلاقى فيها اللقمه ناكلوها حتى لما كنت اطلب منه اخرج ادور على شغل واساعده كان بيرفض ويقوللى لما اموت ابقى اشتغل زى مايكون قلبه كان حاسس وقتها مكنتش حامل ولا كان معانا فلوس اروح اكشف واعرف ايه السبب لان برغم كل ظروفنا الصعبه بس كان نفسنا فى طفل يملى علينا حياتنا عدت كذا سنه وخلال الفترة دى ابوكى الله يرحمه الحمد لله بدا يستقر شويه فى الشغل وربنا كرمنا وقدرنا نمشي من المنطقه اللى كنا عايشين فيها خصوصا ان اخوه الله يسامحه كان كل شويه يعمل مشاكل والموضوع ده كان مضايق ابوكى اوى وكان نفسه يبعدنا عن المشاكل دى واخدنا الشقه دى وصاحب العمارة الله يباركله يارب صبر علينا فى الاقساط وانا بقى كنت بحط القرش على القرش وطلعت الشقه وشها حلو علينا وخلفتك ياحبيبتى متعرفيش ابوكى اول ماشالك بين ايديه كان فرحان بيكى ازاى وكنت اول مرة اشوف دموعه وهى بتجرى على وشه بس كانت دموع الفرح ولما سالته حنسميها ايه قاللى الدكتورة حياة احمد سعد عشان هى حياتى كلها زى مايكون كان قلبه حاسس اننا مش حنجيب غيرك مكنش بيناد*كى غير حياتى ولما الله يرحمه تعب من كتر المجهود اللى كان بيعمله فى الشغل وصانى عليكى ياحبيبتى كانت تتحدث اليها وهى تبكى فلقد تذكرت رفيق حياتها وحبها الاول والاخير وقاللى حياة امانتك ياعفاف ومات وهو فى عز شبابه ومفيش حاجه صبرتنى على فراقه غير وجودك ياحياتى فى حياتى ابوكى كان بيحبك اوى ياحياة حياة تحتضن امها وتبكى:وانا بحبك اوى اوى ياماما ربنا يقدرنى يارب واقدر احقق حلمك وحلم بابا الله يرحمه ????????ياتى الصباح ولكن ماذا سيحمل معه وهو ات هل سيحمل معه السعاده ام الحزن الامل ام الياس ولكنها هى الحياة التى لطالماضحكت فى وجهنا احيانا واحيانا اخرى كثيرة تغمض أعينها عنا فى المصنع تتنقل عفاف بين العمال وهى تحثهم على العمل بنشاط وعيون الجميع معها منهم من ينظر اليها باحترام ومنهم من ينظر اليها بعين الخقد على ثقة صاحب المصنع بها ومنهم من ينظر اليها نظرة شيطانيه ياسر:ايه يامعلم مالك شايفك من الصبح عينك حتطلع عليها فى ايه مالك مش على بعضك كده ليه _حموت عليها يااخى يخرببيت حلاوتها وجمالها انا مش عارف اللى زى دى ازاى تبقى من غير راجل جتنا نيله فى حظنا الهباب انا بعد مابشوفها ببقى عاوز اولع فى اللى فى البيت ياسر يضحك ضحكه شيطانيه:ههههههه يااه حتموت عليها اوى كده _حموت وبس ده انا منايا ترضى بس عنى نفسي بس تبصلي ياسر :واللى يخليك تنول اللى فى بالك _انت بتتكلم بجد ياياسر بس ازاى دى زى القطر مبتسمحش لحد يتكلم معاها كلمه ياسر:ملكش فيه انا حظبط كل حاجه بس بشرط تنفذ اللى حقولك عليه بالحرف ووقتها حتنول اللى فى بالك وتاخد كمان قرشين بس تفتح مخك معايا _وانا معاك قول ياباشا فى اثناء العمل تنادى ثريه على عفاف عفاف ياعفاف عفاف:ايوة ياثريه ثريه:ياسر عاوزك فى مكتبه عفاف:حاضر تطرق عفاف الباب على ياسر ياسر:ادخلى ياعفاف عفاف:ايوة خير ياسر:بصي ياعفاف انا عندى مشوار مهم اوى وحسيبلك كل حاجه فى ايدك المهم بعد ماكل العمال يمشوا حتدخلى المكتب هنا وتخلصي كل الشغل وتتاكدى ان كل حاجه تمام ومتمشيش غير لما ارجعلك وتخللى بالك من العمال كويس عفاف:حاضر اطمن طب انا ماشي دلوقتى واشوفك بالليل يخرج ياسر من المكتب وهو يشير لثريه بالبدء فيما اتفق عليه ثم يجرى مكالمه تليفونيه ايوة ياهانم كله حيبقى تمام زى مااتفقنا وتقدرى تعتبريها من النهارده برة المصنع ناهد:برافو عليك ياياسر وانت ليك مكافاه عندى كبيرة ياسر:انا مكافئتى رضاكى عنى ياهانم بس الواد اللى اتفقت معاه طماع وعاوز مبلغ كبير ناهد:اديله اللى عاوزه كله المهم اوعى سيرتى تجي بكلمه ساعتها متلومش غير نفسك وبس ياسر:انا خدامك ياست هانم ناهد:يااه اخيرا حخلص من اللى اسمها عفاف دى ???????? ثريه:ايه ياعفاف شكلك تعبان اوى انتى ماكلتيش حاجه من الصبح عفاف:مش مهم لما اروح حبقى اكل ثريه:لما تروحى ده لسه بدرى بقولك ايه انا جايبه معايا اكل حجيبه وناكل سوا عفاف:لاشكرا ياثريه كلى انتى بالهنا ثريه:اخص عليكى ياعفاف ده انتى خيرك سابق ياللا ياللا بلا شغل بلابتاع بصي انا حجيب الكل وجايه تدخل ثريه بالطعام على عفاف وتبدا عفاف فى تناول الطعام فهى كانت حقا جائعه الحمد لله شكرا على الاكل الحلو ده ياثريه ثريه:بالف هنا ياحبيبتى عفاف:بس انتى ماكلتيش ياثريه ثريه :لا اكلت بس زى ماتقولى بحاول اقلل شويه الراجل عاوزنى اخس بقولك ايه انا حقوم اعمل كوبايتين شاى فى ال**يم وتعد الشاى لتشربه عفاف وهى لاتعلم ماالذى ينتظرها ????????????? انتهى الفصل الثاني يارب يكون عجبكم ومتتسوش تعليقاتكم وتوقعاتكم الجميله وتصبحوا على الف خير

Free reading for new users

Scan code to download app

App Store Google Play

Facebookexpand_more