Napalunok si Darcelle at nakita ang nag-aapoy na mga mata ni Claude.
‘Ano ba talaga ang problema niya?’ nalilitong nasa isip na naman niya.
Ngali-ngali niyang pinatay ang stove bago ito hinarap muli. Buti na lang naalala niya pa at baka masunog pa sila nang ‘di oras. Iyon nga lang ay para naman siyang mapapaso sa titig nito sa kanya.
“Bakit ka nagpunta rito?” sita nito.
Pakiramdam niya ay parang siya iyong saksi na nasa witness stand na kino-cross exam ng prosecutor dahil sa matigas na tono ng boses nito.
She couldn’t stand the way he looked at her, so she decided to get a bowl to have a distraction. Nasa itaas lang naman ang cupboards kung nasaan ang mga pinggan, baso, kutsara at iba pa nakalagay. Ang ibang laman niyon ay ang mga grocery na hindi kailangang ilagay sa fridge tulad ng
