Chapter Eleven
BUKAS na ang alis ko papuntang States. Pero kung no’ng una’y natatakot ako, ngayon ay nawala-wala na ang pakiramdam na ’yon. At iyon ay dahil kay Jaeo.
Nalaman niya mula kina Mommy na pupunta nga ako sa States. Sakto naman na sa iisang city lang pala kami kaya nagpresinta siya na samahan na lang ako para hindi raw ako mahirapang mag-adapt sa environment. Iyon nga lang, may ilang araw akong mamumuhay roon nang mag-isa bilang mauuna ako ng alis sa kanya.
“Anak, Jaeo’s here,” bungad ni Mommy pagbukas niya sa pintuan ng kwarto ko. Tumango-tango naman ako at lumabas na rin. Kakain kasi kami sa restaurant bilang padespedida nila sa akin.
Magkakasama kaming pamilya sa sasakyan namin ni Irvin habang si Jaeo naman ay nasa sasakyan niya. Naka-convoy na lang kami sa kanya dahil m
