Maagang pumasok si Valerian sa opisina kinabukasan. Nakabukas ang blinds, kaya’t malaya niyang tanaw ang lungsod sa ibaba. Hawak niya ang isang tasa ng kape habang pilit inaayos ang sarili matapos ang gabing hindi siya halos nakatulog. Sa isip niya’y paulit-ulit pa ring bumabalik ang mukha ni Alorna habang payapang nakadantay sa kanya.
Akala niya’y magiging tahimik ang araw na iyon. Ngunit ilang minuto lang ang nakalipas, biglang bumukas ang pinto ng walang katok. Pumasok si Sanya at kita sa mukha ang galit at pagkadismaya.
“Alam kong may tinatago ka sa akin, Valerian!” singhal nito na halos mabasag ang boses sa sobrang inis.
“Huwag mo na akong gawing tanga. Alam ko kung paano ka palihim na nakikipagkita kay Alorna!”
Napabuntong-hininga si Valerian at mabagal na ibinaba ang tasa ng ka
