Chapter 50
Cataleen’s Pov
INAYOS KO pa ang plato sa mesa para makakain na kami ng almusal. Hindi ko alam kung tapos na ba nag usap ang dalawa dahil kanina pa ako dito sa kusina.
Nang mailagay ko ang plato ay napasinghap ako nang may humawak sa bewang ko. Agad kong nilingon ang lapastangan na humawak sa bewang ko.
Nakita ko si Remus. Hindi ko siya sinaway dahil pinatakan niya agad ng halik ang balikat ko. Kinikilig tuloy ako na dapat sana ay hindi. Nakakainis ang Remus na ‘to. May pahalik-halik pa siyang nalalaman sa balikat ko. Sinabi ng hindi ko siya gusto eh.
Tumikhim ako upang mawala ang bara sa lalamunan ko. Baka pumiyok ako sa sobrang kilig. “Wag mo nga halikan ang balikat ko. Akala mo asawa eh,” kunwari ko pang sabi pero ang totoo ay kinikilig ako.
“Asawa naman talaga kita
