Habang papunta kami ni Atoy sa estasyon ng AGMA ay may nadaanan kaming pereswel na pagkalaki-laki.
"Atoy, hindi ba pereswel iyan?"
"Oo, nakasakay ka na ba sa Ferris Wheel, Garlic?"
"Naku, ayoko nga, nakatatakot sumakay diyan. Pero alam mo sa tuwing may pista sa bayan namin ay may paganiyan at saka iyong peryahan. Lagi akong pinapagalitan noon ni Ate Aying dahil ubos ang mga naiipon niyang mga piso. Pinapatalikod ko lamang siya at saka sungkitin ang baboy niyang alkansiya. Mayroon ding daga na pumapasok sa butas. Sabay sigaw na " Pasok, pasok sa butas, oh, pasok na sa butas!" Nilakasan ko pa ang boses ko kaya, napatingin sa akin ang drayber ng taxi sabay tawa nang mahina.
"Sino ang pumapasok sa butas?" tanong ni Atoy.
"Daga nga, hindi ka nakikinig, eh. Kapag pumasok ang daga sa butas
