Hindi pa nakakalayo sa pinangyarihan ng labanan sa expressway ang sasakyan nila Steph ay natanaw na nila ang bahagi ng daan sa di kalayuan na nababalot ng dilim. Nag-menor si Luis at itinigil ang sasakyan sa gilid ng highway.
"A-ano 'yon?" Turo ni Leigh habang naka-usad ang katawan sa sandalan ni Steph.
Nilingon ni Steph ang itinuturo ni Leigh. "A-ang dilim! Black-out ba sa Expressway?"
Hinampas-hampas ni Blue ang balikat ni Luis. "I-u-turn mo! I-buwelta mo!"
Binatukan ni Jared si Blue. "Sira ka ba? Expressway 'to, saan ka magyu-u-turn dito? Sa bukid?"
Hinimas ni Blue ang bahagi ng ulo na binatukan ni Jared. "Aray naman! Kailangang mambatok? Eh ano'ng gagawin natin? Alangan namang dumiretso tayo d'yan? Tingnan mo nga oh, wala na ngang dumadaang sasakyan, 'di ba kayo nagtataka?"
Nilin
