C H A P T E R 1 9:
E N J O Y E V E R Y S I N G L E D A Y
"I TOLD you, Mr. Hernandez, you don't have Hypersexuality disorder," ani Belinda, ang may katandaang psychologist na tumitingin sa kanya. "Even if we do different kinds of assessments, your result would still be the same."
Napabuntonghininga si Bradley. Ilang test na ang pinagdaanan niya nitong nagdaang anim na araw. Makailang beses din niyang pinaulit iyon. Ultimong pati araw ng kapanganakan niya ay naikuwento na rin niya sa kaharap, pero wala, iginigiit pa rin ng matandang psychologist na wala 'raw' siyang ganoong sakit.
Iyon ngang psychotherapy—na pinagdaanan niya nitong huli—ay pinilit lamang niya; kahit sinabi nito na hindi niya iyon kailangan. Ang kailangan niya raw ay ang therapy para sa PTSD niya. Pero hindi pa ni
