MULA sa Burbank, California, bumiyahe sila ni Khael nang tatlong oras papuntang Chowchilla, sa Central California Women's Facility—ang pinakamalaking koreksyonal sa United States para sa mga kababaihan—kung saan ay nakakulong si Elise.
Kasama ang isang staff ng facility, iginiya sila sa isang malaking silid. Bumungad ang napakaraming bilugang mesa at upuan. Tulad ng buong pasilidad, maaliwalas, malinis ang paligid at napakaraming bintana.
May mangilan-ngilan ring mga dalaw ang naroroon kasama ang ibang mga detainee na nakasuot ng kulay asul na shirt na tinernuhan ng mas matingkad na asul na pantalon.
"I saw Caleb a while ago outside the waiting area," biglang wika ni Khael nang makaupo sila. Binubuksan nito ang hawak na paborito nitong kainin na tsokolate. "He was walking with the warde
