روح بريئة

الجزء الثالث

ام طارق اول ماسمعت صوت بوسى وعنيها الملونة وهى منورة فى الضلمة مخافتش ولا قلقت بالع** فرحت جدا برغم انها متعرفش ان بوسى مدخلتش الشقه من يوم الجريمة فضلت مركزة مع بوسى اللى عنيها مركزة مع ام طارق وهنا بدائت ام طارق تتكلم معاها وتقولها ايه يابوسى انتي كمان جايه تقعدى معايه فى اوضة صحبتك معلش بقى هي خلاص مش هتكون موجودة فى سريرها تانى بس ليكي عليا كل ماروح عندها اخدك معايه يابختك يابوسى انتى اخر واحدة كنتى معاها وفى حضنها انتي اخر واحدة سمعتي صوتها وشوفتيها بس لا يابختك على ايه ده انتي شوفتيها وهي بتموت شوفتيها وهى بتضيع منك ومننا حقك علينا اتوجعتي باللي شوفتيه ماهو اكيد مفيش اي كائن يستحمل اللى حصل لا انسان ولا حيوان ده لو جماد بينطق كان الحجر قالهم حرام عليكم اللى هتعملوه فى الملاك دى صح يابوسى طبعا القطة بنفس تركيزها فى عين ام طارق والست بنفس جدية الكلام ونفس الدموع لحد مالقيت الباب بيتفتح وداخل طارق بالشمعه بصيت عليه وقالتله فى ايه يطارق مين قالك انى محتاجه شمعه دخلت ليه قالها دخلت اطمن عليكي كنت سامع صوتك فكرتك بتنادى على حد فينا طبعا لما تجاهلت القطة وركزت مع طارق محبيتش تعرفه انها قاعدة تتكلم مع بوسى هيقولوا عليها اتجننت من الصدمة ولا هيقنعوها تخرج من اوضتها سكتت شواية ورجعت قالت لطارق لا يابنى انا كنت بدعى لاختك بدعيلها اشوفها فى الحلم ياطارق قلبى محروق عليها وحشتني ماتاخدني ازورها يابني رد طارق قالها وحشتنا كلنا ياامي بس اجمدى كده ده احنا كلنا بنقوى بيكي بعد ربنا طبعا انتى ياامى عامود البيت ده مينفعش تقعي كلنا نضيع من غيرك ده انتى اللى بتلمينا كلنا ولو على انك تروحي تزوريها ليكي عليا ياستى الصبح لو لقيتك كويسة وصحتك تستحمل المشوار هاخدك تزوريها ابتسمت ام طارق والنور جه فى نفس اللحظة قالها شوفتى ياامى ضجكتك بترجع النور فى حياتنا ازاي طبطبت عليه ودعيتله براحة البال ودخلت شادية واخواتها يطمنو على امهم اللى بيحاولوا يداروا وجعهم علشان امهم مش حمل تعب اعصاب قالتلهم امهم انتم ابدا مبتسمعوش الكلام اومال لو مش قولتلكم عايزة اقعد لواحدى دخل ابو طارق بيحاول يخفف عنها قالها ياستى وحشتينا وحشنا صوتك في البيت بيريحنا وابتسم بحزن علشان طارق يسال ابوه

صح يابابا هنعمل العزا امتى رد ابو طارق قاله مش وقته دلوقتي يابنى كان عايز ميفتحش كلام فى الموضوع علشان ام طارق متتعبش وفهم طارق طبعا بس ردت امه قالت صخ ياابو طارق المفروض يتعمل العزا هنعمل شادر ولا انت شايف ايه قالها لا حنا العزا بتاع الستات هيكون هنا فى البيت وهخلى العزا بتاعها فوق على السطح مكان ماروحها فارقتنا دى العزا بتاعها هيفضل العمر كله وهنا دموعه خانته ومقدرش يتحكم فيها ولا ات**ف انها تنزل قدام مرات وعياله اللى اول ماشافوا ابوهم كده هما كمان سابو لدموعهم فرصتها انها تنزل بدموع ام طارق قالت بنتنا فى الجنة بنتنا ارتاحت وربنا مش هيضيع حقها هو اختارها لانها ملاك مكانها مش ع الارض هى يمكن اتعذبت شواية بس ربنا رحيم اكيد ريحها قبل ماتحس بسيف السكينة وهو على رقبتها يارب انت رحيم يارب مش هنوصيك عليها وبنفس الدموع ونبرة الصوت كملت كلام بقولكم ايه اجمدو كده احنا بنقوى ببعض ربنا ابتلانا علشان فاكرنا وبيحبنا احمدوه على ابتلائه لينا وانه اختارنا احنا من بين الناس علشان الاختبار ده لازم نكون راضيين وكفايه دموع بقى متعذبوهاش ابعتولها دعواتكم زى ماهى كانت علطول بتعمل معاكم دى اغلى هدايا تقدموهالها ويلا بقى اتوكلوا على الله انا هنام هنا رد ابو طارق وقالها ربنا يخليكي لينا بس معلش ياستى ممكن تنامى فى اوضتك ده انا معرفتش اغفل فيها ساعتين على بعض علشان انتي مش موجودة فيها معلش علشان خاطرى متعودتش عمرى كله انى انام وانتى مش فى اوضتك بطيبة ورضا قبلت ام طارق انها تدخل تنام فى سريرها من غير ماتجادل ولا تعترض قامت طلعت من الاوضة وهي بتلمس كل حاجه تخص سحر وبتقول بصوت مش مسموع تصبحي على خير ياقلب امك خرجت وفضلت شادية فى الاوضة فتحت الدولاب وغيرت هدومها وقررت تنام ودخلوا اخواتها البنات هيناموا معاها فى نفس الاوضة برغم انها اتعودت على ان مفيش غير نفس سحر وهدوئها وحركاتها فى الاوضة بتاعتهم الا انها حاسة ان اخواتها مطمنينها بوجودهم معاها حتى لو مش بيتكلموا مع بعض كتير لكن انهم عاملين صوت فى الاوضة اللى بقيت ساكتة ومفيهاش روح من وقت سحر ماسابتها مطمنها ومريحها شواية كلهم داخلوا ناموا ولاول يوم ينامو كلهم بالعمق ده اطمنوا ان امهم رجعت البيت بالسلامة وهى وجودها لواحده بينهم بيريحهم لأول مرة يناموا وميحسوش ب اذان الفجر صحى الاب على صوت صلاة الظهر والشمس مالية الدنيا قلق على مراته لانها اول مرة تفضل نايمة للوقت ده فضل يراقب نفسها واول لما اطمن بداء يصحيها بهدوء فتحت عنيها بتعب قالها ياستى كل ده نوم يلا الظهر اذن قامت ب ابتسامه م**ورة لكن هى اتعودت طول سنين حياتها معاها الابتسامة فى وشه اساس اليوم بتاعهم ابتسم ابو طارق وقام من مكانه دخل اخد دش واتوضى وهى دخلت بعد ماخرج اتوضيت وطلعو يصلوا الظهر ودخل عمل ينسون وقعدوا سوا لوحدهم يتكلمو فى اللى حصل ونفس الكلام اللى قاله لطارق تقريبا عاده تانى مع مراته وسمعته للاخر ومن غير ماتناقشه فى اللي قاله ردت قالتله ها ياابو طارق هتودينى امتى لسحر رد بخضة قالها بعد الشر عنك ماتقوليش الكلمة كده قولى هروج امتى ازور قبر سحر ربنا يخليكي لينا ولبيتك ياست البيت انا بس هنزل انا وطارق نروح القسم وخدى واحدة من البنات وروحوا واحنا هنجيلكم على هناك وقولي لجوز بنتك اي واحد فيهم يبلغ الناس ان العزا بليل ويتفق مع بتاع الكراسى ويتفق مع المقرئ كتر خيرهم بصراحة وقفتهم معانا هونت علينا حاجات كتير ولاد اصول صحيح وافقت ام طارق على كلامه بهدوء كعادتها وقام يصحي طارق ونزلوا القسم سوا وابتدت ام طارق تدور على بوسى علشان تاخدها معاها وهي نازلة تزور سحر لكن القطة مش موجودة قالت بين نفسها يمكن يكون حد فتحلها الباب وطلعت السطح انا هصحي شادية وتبقى تطلع تبص عليها فعلا دخلت تصحي شادية بالراحة علشان متقلقش حد من البنات لانها عايزة تروح تزور سحر في هدوء ومش عايزة زحمة صحيت شادية وقامت خدت الدش بتاعها وجهزت ونسيت ام طارق تقولها تبص على بوسى واتحركو للمقابر وكانت اول مرة تروح ام طارق تور بنتها اللى قعدت تقول على قبرها كلام يوجع القلب (مش هقوله علشان كئبتكم كتير بقى ) طبعا وصل ابو طارق وابنه وقروا الفاتحه وقالها ابوها متقلقيش ياسحر حقك هيرجع الحكومة قالت وصلوا وهيتصلوا بينا خلال 48 ساعه ويبلغونا فرحت ام طارق بالكلام ده اوى وفضلت تشكر ربنا انه بيربط على قلبهم بالصبر قعدوا شوايه وجابو شيخ قعد يقرا قرأن ويدعي للمتوفيه وهما بيدعولها وراه لحد بعد العصر وبعد كده قالهم ابوهم يلا بينا بقى علشان العزا هتلاقى الناس جايه ع المغرب قامو اتحركوا للبيت كانو البنات مفضيين الصاله واوضة الصالون وحاطين كراسى خشب علشان تكفى المعزيين وكان ازواج البنات خلصوا كل حاجه على السطح ورجعوه زى ماكان بعد ماجابو حد مسح السطح كله وشالو اى اثر للدم وحافظوا على ان القاعدة اللى طارق كان عاملها تفضل زى ماهى ورتبوها كمان وفعلا بعد وصولهم بداء الناس تيجي البيت اتملى ستات جيران ومعارف وصحاب وحتى اهالى اصحاب سحر والسطح الناس من كترها الكراسى مش مكفياهم بقيت الناس واقفه على السلم اد كده الناس دى محبوبة والناس متأخرتش عن الواجب معاهم بقى ابو طارق واقف ياخد العزا ويحمد ربنا على محبة الناس وام طارق تحت قاعدة منتهى الصبر والاحتساب واي حد يتكلم او يسأل عن الجريمة ترد وتقول اختبار ربنا كتبهولنا ومش هيضيع حقنا بنتى فى الجنة ومتسمحش لحد يطول فى الكلام فضل العزا والمعزيين ييجوا ويمشوا لحد بعد العشا اليوم كان طويل جدا كلهم تعبوا فيه وبعد ماالناس مشيت البنات رجعوا البيت زى ماكان بالظبط والسطح بتاع الفراشة جه اخد الكراسى بتاعته وكل حاجة رجعت زى ماكانت واتجمعوا فى البيت علشان تخبط عليهم جارة بصنية عشا مليانة خير ربنا وزى كل مرة ب الحاح ومحايله وافقوا انهم ياخدوا الاكل وفعلا قعدوا اتعشوا واتكلمت ام طارق يلا بقى يابنات خلص العزا كل واحدة منكم ترجع بيتها لعيالها كفايه كده تقلتم على حمواتكم بالعيال حرام عليكم واجوازكم يرجعوا اشغالهم بقى كفايه عطلة لحد كده كتر خيركم انتم ياولادى كنتم نعم الاختيار ربنا يباركلكم ردت بنتها الكبيرة ياامى خلينا معاكم ناخد بحس بعض لحد الاربعين ردت امها لا يابنتى اربعين ايه ارجعو لبيوتكم بقى وولادكم حرام عليكم سايبينهم كل ده وابوكي واخوكى كمان هيرجعوا شغلهم من بكرة خلاص اتفقوا على كده ووافقوا كلهم واتفقوا على انهم كل يوم خميس هيتجمعو فى البيت ويروحوا يزوروت قبر سحر كلهم ودخلو ينامو كل واحد فى مكانه وفات اليوم من غير اي حاجه غريبة وكالعادة اذن الفجر ونفس الروتين بتاعهم واتجمعوا كلهم على الفطار ونزلو البنات على بيوتهم وكل اللى وراه شغل نزل راح شغله وطلبت ام طارق من شادية انها هتدخل تقعد على سرير سحر تقرا قرأن وقالتلها اعمليلى نعناع لحد مااخلص دخلت الاوضة ام طارق وقعدت على سرير بنتها وقبل ماتمسك المصحف لقيت بوسى واقفة قدامها زى اول مرة بس الفرق ان المرة دى كان النهار طالع والشمس ماليه البيت ابتسمت ام طارق ل بوسى وقالتلها حقك عليا انا اول امبارح قطعت كلامي معاكي علشان طارق دخل فجاءة خوفت يفكرنى اتجننت ياستى مش عارفة يابوسى حقك علينا فى ايه ولا فى ايه بس متقلقيش عندي ليكي خبر حلو الحكومة هتمسك اللى اذى حبيبتك هيقتلوه زى ماقتلها شوفتى بقى خبر حلو ازاى وهنا سمعت ام طارق صوت شادية وهي بتتكلم معاها بصوت عالى ياماما ياماما وبتقرب من الاوضة علشان تفتح ام طارق عنيها على اخرها وشادية داخلة شايله بوسى وبتقولها بفرحة شوفتى معرفش كانت مختفيه فين من يوم اللى حصل مظهرتش