روح بريئة

الجزء السادس عشر

بعد ما كلامهم انتهي بأن داليا هتبقي تقول لطارق ان لازم يشوفو شيخ للموضوع عشان لازم يتحل ويخلص ... سكتت شويه وقالت لمامتها طيب يا ماما هو طارق هيعرف شيخ ولا الكلام ده اصلا مش بيصدق في الكلام الفارغ ده اصلا القرآن في البيت شغال طول الوقت والصلاه والصوم وكل الي يرضي ربنا بصراحه يعني الحق يتقال عمري ما شوفت منهم حاجه وحشه هو طارق بس اليومين دول اعصابه تعبانه ورافض خالص انه يروح لدكتور نفساني.. ومش هيرضي يابنتي مش هتروحي تقوليله انت مجنون ولازم تتعالج ويقولك اه يلا ياحبيبتي اطوعك وأكد علي نفسي اني مجنون . بتتريقي يا ماما الله يسامحك.. يابنتي هتريق ليه بس بالعقل هتروحي تقولي كده هيرد عليكي يقولك ايه .. هيبهدل الدنيا ان جيتي للحق يعني ... طيب بقي انت عايزه تخربي علي نفسك ... أنا برضه اخرب بيتي ازي يا أمي انتي مش عارفه انا بحب طارق اد ايه بالرغم ان عارفه هو بيتعامل معايا بحكم العشرة والسنين وان بنا بنت وانا مقصرتش في حاجه معاهم من يوم ما دخلت البيت ده .. يبقي بعد كل ده ههد البيت لا ياماما يبقي انتي مش عارفه بنتك ... لا ياحبيبتي عرفاكي انتي مافيش زيك لا في تربيتك ولا اصلك وانتي من الستات الجدعه الي بتعرف تحافظ علي البيت .. طيب يا ماما المفروض اعمل ايه دلوقتي... تكلمي جوزك يابنتي وتقوليله ان لازم يجي شيخ ويشوف في ايه .. خايفه يزعل او ما يقتنعش لا هيقتنع ومش هيزعل منك ولاحاجه هو انتي بتقوليله حاجه تغضب ربنا ده شيخ وبيقول كلام ربنا .. طيب يا ماما هدخل اشوف حور بتعمل ايه وبعدين اريح شويه وابقي اكلمه لما اصحي لو ما اتصلش... ماشي يابنتي روحي شوفي بنتك وريحي شويه تعتبي انتي اليومين دول حقكك عليا .. حق ايه ياست الكل ياسلام لو يبقي التعب كله زي تعبك ده ... ربنا يريح بالك ويهدي سرك يارب ياقلب امك ... ما اتحرمش منك يا أمي هروح انا .. ماشي ياداليا ... وهي في طريقها للاوضه الي بتلعب فيها حور سمعت صوت حد بيتكلم جوا ...وطبعا مافيش حد حور تتكلم معاه هي لوحدها في الاوضه .. داليا اترعبت وحست إن الي ابتدا مش هيخلص بسهوله.. وقربت جمب الاوضه اوي عشان تعرف تسمع .. سمعت حد بيكلم وقفت تسمع لقت صوت غريب بيتكلم ويقول لحور هتيجي معايا.. اجي فين ماينفعش اروح في مكان من غير مامي عشان هتحطني في النوتي كورنر.. لا ماهي مش هتعرف متخافيش هوريكي حاجات عمرك ما هتشوفيها طول ما انتي اعده هنا ... لا بشوف التليفزيون وبفتح نت واشوف برامج كتير بتخليني افهم حاجات كتير وبقيت بعرف اقول الحروف والأرقام انجلش... طيب هود*كي مكان هتتعلمي فيه لغات كتير بس قومي يلا تعالي لااا يا سحر مش هينفع طيب ناخد مامي معانا عشان متزعقش .. قولتلك مش هتعرف ومش هتحس وهرجعك مكانك بسرعه تاني ماتقلقيش ... خلاص موافقه اجي معاكي... قالتلها خلاص هتغمضي عنيكي ومتفتحيش الا اما اقولك اوعي تطلعي صوت انتي فاهمه .. داليا واقفه وسامعه كل ده لكن مش قادره تتحرك كأنها مشلوله عايزه تصرخ حتي مش عارفه صوتها مكتوم ووقعت مكانها مغم عليها.. ازي وليه وحصل ايه مش عارفه ... لكن عدا وقت كبير فاقت داليا ومش عارفه الي حصل ومش فاكره حاجه من الي سمعتها بس لما لقت نفسها جمب باب اوضه بنتها دخلت تبص عليها لقيتها نايمه زي ما يكون بقالها سنه نايمه فضلت تصحي فيها ياحور ياحور قومي يلا عشان تاكلي حبيبتي اخدت وقت لما صحيت وفاقت وهي بتنهج وكأنها كانت بتجري مشوار بعيد .. سألتها داليا في ايه يا حبيبتي مالك بتنهجي كده ليه انتي كنتي بتحلمي... يامامي انا كنت في مشوار .. مشوار ايه يا حور ما انتي نايمه قدامي من بدري ... لا انا نزلت روحت مكان كبير اوووي في حاجات حلوه وفي نار شكلها يخوف وفي ناس بتتكلم لغات كتير انا هبقي اتعلم هناك حاجات كتيره ... لا يا حور الكلام ده غلط ماتصدقيش حد يقولك حاجه انتي صغيره لسه مش فاهمه حاجه.. يا ماما انا شوفت بعيني دي وعيني دي يعني انتي علمتيني ما اقولش علي حد كبير كداب .. وانا مش بكدب كمان طيب بصي حبيبتي القرآن ده خليه شغال هنا اوعي تقفليه لو عايزه تنامي نامي تلعبي براحتك لكن خليه شغال طول الوقت عشان خاطر مامي حبيبتك ... حاضر يامامي انا عايزه انام شويه وبعدين اقوم العب .. اوكي يا قلبي .. ممكن تقفلي النور يامامي .. ايه ده ياحور اول مره تقولي طفي النور دايما بتحبي ضوء يكون داخلك في ايه حكايتك يابنت انتي .. شويه عشان اعرف انام .. طيب ياحور حاضر ...وطلعت بره الاوضه وأعدت سرحانه وكانت مامتها قامت للمطبخ

اتضايقت داليا طبعا من الكلام الي سمعته وكلام بنتها ليها لكنها في النهايه سكتت وكملت سرحانها بتفكر في طارق والبيت واتعودت علي بيتها وحريتها فيه وبنتها الي بيحصل معاها حاجات غريبه مش مفهومه ومش عارفه تعمل ايه في كل الي بيجرا ده .. شويه وقالها تليفون من صحبتها وكانت ساكنه جمب بيت مامتها والكلام جاب بعضه وعرفت ان داليا في بيت مامتها اعده يومين وقالتلها انا هاجي اشوفك واشوف طنط وحور وحشتني اوي .. تنوري ياحبيبتي اتفضلي اي وقت هستناكي دخلت داليا لمامتها المطبخ .. ايه ياست الكل الروايح الجميله دي تسلم ايد*كي ياحبيبتي طول عمري بحب اكلك مهما اتعلمت وعملت اكلك هو مافيش بعده ... اه بدأنا البكش بقي وشكلك عايزه تقولي حاجه قولي يلا خشي في الموضوع علي طول في ايه ياحبيبتي سمعاكي انا هههه ..

ضحكت داليا بخبث وبصت لمامتها بصة معناها إنها فهمت صح..

-عاوزه ايه يا دودو . انتي مابتقوليش كلام حلو إلا لما بتبقى عايزه حاجة، ادخلي في الموضوع على طول.

عضت صباعها بدلع كده وقالتلها مافيش ياست الكل

كل الحكاية بس إن هايدي هتيجي تقعد معايا شوية، يعني عشان بقالنا كتير ماشوفناش بعض وهي مش بتحب تيجي البيت هناك عشان طارق وعمي وكده يعني، هي بصراحه الي عزمت نفسها وانا ات**فت اقولها مش فاضيه أو لا وخايفه تضايقي يعني لأني مش في بيتي وكده .. اخس عليكي ياداليا ايه يابنتي الكلام ده بس ده بيتك ومطرحك بيت ابوكي ده يعني بيتكم كلكم عيب تقولي كده الي يجي يشرف اي وقت ده مكانه زعلتيني يابنتي والله ايه بس كان لزمته الكلام ده .. خلي صحبتك تيجي وتتغدا وتقعد براحتها يعني هي هتاخد حته من البيت قبل ماتمشي ده انتي الجواز بوظ مخك خالص .. ههههه ربنا يخليكي ياست الكل ودايما البيت مفتوح بحسك يارب ..

....

قربت ام داليا وطبطت عليها ودعيتلها براحه البال ودعت لهايدي كمان كانت من اقرب الصحاب ليها بعدها سابتها وخرجت واتصلت بيها عشان تقولها انها هستناها علي الغدا

خلصت داليا كلام مع هايدي في التليفون وقعدت استنيتها لحد ما بعد نص ساعة لقيتها بترن جرس الباب ، قامت فتحتلها الباب وسلمت عليها وحضنو بعض ودخلو قعدو في اوضه داليا الي كانت بتاعتها قبل الجواز ومازالت بتحب تنام فيها لو باتت عند مامتها دخلو يقعدو جوا لحد ما ام داليا تحضر الغدا..