روح بريئة

الجزء السابع عشر

رحبت داليا بصحبتها هايدي وسلمت عليها وعلي ام داليا

ووبعدين دخلتها ووصلتها لأوضتها و قفلت بابها عليهم وقعدو فيها سوا، رحبت بيها وقعدو يتكلمو سوا، او داليا يعني اللي بدأت الكلام لما قالتلها

-منوره الدنيا ياست هايدي والله .. ايه رائيك في الشقة بقى بعد ما اتغيرت عن زمان ..

ردت عليها وهي بتبص حواليها .

جميلة يادودو بس انتوا مش ناويين تغيروها احنا.. يابنتي غيرنا شقتنا من كتير اوووي هي في نفس المنطقه لكن اكبر من القديمه واخف واحلي .

والله ما عارفه ياهايدي امي صعبان عليها تمشي من هنا تقول ده البيت الي عيشت في مع ابوكم وليا في ذكريات كتير واتربينا فيها ولازم عيالنا تتربي فيها طول ماهي عايشه .. وبتزعل وتفضل تقول لما اموت ابقي اعملو الي تعملوه لكن طول ما انا لسه بصحتي مش هقدر اسيبها .. انا أصلا مش باجي كتير ممكن اجي اقعد يوم يومين تغير جو بس لكن مش اكتر من كده لكن مش عارفه ليه حاسه اني ممكن أطول المره دي .. بس بيني وبينك يعني .... هايدي .. ليه ياداليا بتقولي كده

هو حصل حاجه بينك وبين جوزك ولا ايه...داليا..الموضوع كبير يا هايدي واعصابي تعبت من البيت ودماغي هتنفجر من كتر التفكير والخوف ..هايدي. في ايه يابنتي بس مالك خضتيني..داليا .. بيحصل في البيت حاجات غريبه يا بنتي وطارق اعصابه مش كويسه وعلي طول متعصب ومتنرفز وبيعمل مشاكل علي اتفه الأسباب ومش عجبه حاجه خالص والبنت كمان بتشوف حاجات غريبه وبتتكلم مع حد مش موجود وانا مابقتش عارفه حاجه ولا فاهمه حاجه... هايدي... ياداليا ده الشارع كله والمنطقه عارفين بالحادثه الي حصلت في البيت ده دي كانت جريمه يابنتي ازي ما تعرفيش هو طارق محكاش الموضوع ده ليكي ولا ايه .. داليا..موضوع ايه هو كل الي يشوفني يقولي موضوع وحكايه لا معرفش يا هايدي تقريبا انا اخر من يعلم هو انتي عارفه الي حصل ولا ايه ...هايدي ... طبعا ياحبيبتي ده الموضوع ده كان سيره بيتحاكو بيها الناس هنا وهناك والجرايد كتبت عنها كمان .. كمان لا ده انا كده مكنتش عايشه معاكم طب احكيلي ينوبك فيا ثواب نوريني يمكن افهم واعرف اقرر انا هعمل ايه في الهم الي انا بقيت فيه ده .. اسمعي ياستي الي حصل إن طارق عنده اختين تؤام والتؤام دي اسمها سحر تؤام شادية بس كانت علي احلي بكتير وشها زي حته من القمر فعلا وأدب واخلاق هما كلهم بصراحه عيله محترمه .......... وبعد ما خلصت حكاوي وقالت لها كل الي حصل زمان فضلت تعيط وتقول طب ليه خبي عليا وليه انتي خبيتي حتي امي كمان معرف*نيش الي حصل طيب كانو قالولي وسابوني اقرر انا ... انتي ارتحتي لطارق اول ما شوفتيه واتشديتي ليه من اول مره جه عشان يتعرف عليكم امك صعب عليها انها ت**ر قلبك وقررت توافق لما لاقيتك موافقه لكن الي اعرفه ان طارق جوزك معرف امك كل حاجه من طأطأ لسلامو عليكو.. اه ياختي ما انا عرفت النهارده واضح ان النهارده يوم المفاجأت طيب المهم دليني اعمل ايه امي بتقولي شيخ وكلام من ده وانا مش عارفه هل ده صح ولا غلط عمري ما حصل معايا كده اصلا فا مستغربه .. لا القرآن دوا لكل داء وعله وامك بتتكلم صح احنا نشوف شيخ كويس يتقي الله فيكم ومايخدش فلوس لعن الحاجات دي لو اتعملت بمقابل مادي هتبقي تجاره وده في حرمنية عشان كده بتبقي بتجري في الدين ... عندك حق لا حرام استغفر الله العظيم.. بصي يا داليا انا عندي خالتي كانت تعرف شيخ هبقي اعرفك عنوانه واقولك .. ماشي اللهي ربنا يسترك عشان قربت افقد عقلي بجد .. لا ياقلبي سلامه عقلك من الفقدان... وضحكو الاتنين علي الكلام وشويه وندهت عليهم ام داليا يلا يابنات الاكل جاهز علي السفره اتفضلو.. والله يا طنط ريحه اكلك وحشتني لكن مكنش لي لزوم كل ده .. لا ياحبيبتي انا لو اعرف من بدري انك جايه كنت عملتلك احسن واحلي من كده .. تسلم ايد*كي ياطنط كفايه تعبك وكفايه نفسك في الأكل ده ريحته تجنن .. كلي ياحبيبتي بالهنا والشفا مطرح ما يسري يمري يارب .. وقعدو ياكلو وكل واحد مركز في طبقه والاكل الي قدامه .. لكن داليا كانت شاردة وبتفكر في الي اتقال وتسأل نفسها هعمل ايه هتصرف ازي ... ام داليا مالك يابنتي سرحانه ليه .. هايدي بضحك اكيد بتفكر في طارق . انتبهت داليا للكلام وابتسمت ابتسامه مجامله لكن هي اصلا مش سامعه اتقال ايه .. كان في صوت في ودنها بيقولها بلاش تسمعي كلام حد ... سيبي كل واحد ياخد جزاءه . حتي صحبتك دي جواها غل منك أو تصدقي حبها وخوفها ده ركزي في عنيها هتلاقي الشر ليكي ساكن جواها بيطلع مع كل نظرة .. بعدين فاقت من الصوت واستغفرت واستعاذت بالله من الشيطان .. أمها مركزه معاها اووي .. ومركزه مع هايدي وفجاءه جه لام داليا احساس بقبضه القلب كده وكان حاجه خنقتها قلقت من هايدي وحست بعدم راحه ناحيتها مع انها مع داليا من زمان اوي من وهما في المدرسه لكن قلقانه برضه .. خلصو غدا ولمو الأطباق ودخلوها المطبخ وطلعو قعدو في البلكونه وأم داليا خلصت غسيل الأطباق وطلعت اعدت قدام البلكونه وعنيها ريحه جايه مع هايدي

مش مرتاحه لها وهي دايما بتصدق احساسها . خدت اعدتها معاهم ومشيت وأعدت داليا وامها مع بعض وكانت حور صحيت هما بيحبو ينادوها بحور لكن اسمها في شهاده الميلاد سحر علي اسم عمتها الله يرحمها .. حور بتلعب بالأل**ب بتاعتها .. وداليا ومامتها بيتكلمو وفجاءه اتكلمت مامتها وقالتلها ماتعرفيهاش تاني .. هي مين دي ياماما .. صحبتك دي بلاش منها تاني الله يسترك .. ايوه ياماما ليه برضه انتي كنتي من شويه عايزه تجبلها حته من السما ومحتاره تعملي معاها ايه ولا ايه ايه غيرك فجاءه كده ما البنت اعدت باحترام ومشيت باحترام برضه محصلش منها حاجه هي زعلتك طيب .. لا طيب عملت حاجه كده ولا كده مخدتش بالي انا منها .. يابت ريحيني وقولي حاضر .. ياحجه عايزاني اقولك حاضر وخلاص من غير ما افهم في ايه .. مش مرتحالها قلبي خاف منها مش كويسه من نحيتك

هههههه ايه يا ماما الكلام ده هايدي صحبتي من سنين السنين دلوقتي جايه تقولي كده ومارتحتيش ليها دلوقتي فجاءه كده سبحان مغير الاحوال .. اه فجاءه كده قلقت منها فيها حاجه مش طبعيه والله يابنتي شايله جواها ليكي كرهه. انا امك احس بالي يحبك ويكرهك ودي والله مابتحبك ده كله تمثيل . خلاص ياماما حاضر الي تشوفيه احنا كده كده بنشوف بعض كل سنه مره ده ان حصل يعني. ماشي يابنتي ربنا يريح قلبك وبالك ويهدي سرك مع جوزك قومي يا داليا شغلي سورة البقره خليها تطرد الشياطين من بتنا يابنتي .. حاضر يا ماما من عنيا صح محتاجه اعصابي تهدأ شويه ... والقرآن اشتغل لكن فجاءه دالياسمعت صوت جاي من بعيد وكان حد بيصرخ .. لكن ماركزتش وعلت القرآن علي اخره والصراخ اختفي صوته .. لكن بعد كام دقيقه من وقت ما شغلت القرآن سمعت الصوت بتكرار واعلي لدرجه انه غطي علي صوت الشيخ الي بيقرأ ولما وطت سمعت بوضوح صوت جاي من اوضه حور ..وقامت تجري ودخلت وكانت الصدمه لما شافت ...