روح بريئة

الجزء الثاني عشر

هي مين دي يابني الي واقفه ورايا ... سحر يابابا اهي والله وراك بص عليها هتتاكد .. سحر هي فين يابني ما الله يرحمها ارتاحت وسابتنا لحرقة القلب والعذاب ... فجاءه صوت ضحكه عاليه لدرجه انهم حاسو انهم هيفقدو حاسه السمع من قوة صوت الضحكه ... اتفزع ابو طارق وقام من مكانه نط في ايه بسم الله الرحمن الرحيم .. ايه الي بيحصل ده ياطارق يابني في ايه انتي بتعمل فيا مقلب عيب يا طارق بتعمل في ابوك كده علي كبر عيب يابني اعقل بقي ... تاني يابابا هتقولي اعقل وانا هعمل كده ليه ومن امته ليا في الهزار بالشكل ده يابابا انت عارفني مش محتاج يعني اعرفك علي طبعي واسلوبي بعد كل ده ... طيب يابني اهدا قولي ايه الصوت ده ايه الضحكه دي حسيت وداني اطرشت والله يابني ودني صفرت ... يابابا بقولك دي سحر والله سحر اختي ... وفجاءه ظهرت قدامه بنفس هيئتها البريئه ولبسها الي كانت لابساه يوم الحادثة ... ابو طارق مابقاش سامع كلام طارق الي بيقوله وفضل باصص علي سحر وحس انها رجعت تاني بس كل ما كان بيحاول يقرب منها عشان يلمس خدها ويتأكد انها حقيقه كان بيحس انه بينه وبينها مسافه كبيره اووي فضل مبتسم لحد ما فجاءه ظهر وراها نفس الشخص الي اغتصبها وبدأ يلمسها ويقرب منها ويحسس علي جسمها بس الغريبه انها مكنتش بتصرخ ولا بتعافر معاه كانت م**مه تركز في عيون ابوها وتحسسه اد ايه الي كان بيحصل فيها لو كان بمزاجها كان هيحس بأيه وتعرفه انها حست اضغاف مضاعفه للي هو هيحس بي لما كانت بتغتصب وبيقضي عليها الجاني فضل ابوها يصرخ ويقول لا ياسحر ماتعمليش كده ياسحر بلاش انتي انضف منه انتي شريفه ونضيفه لا بنتي مستحيل تعمل كده بلاش يا بنتي فجاءه اتحول المنظر ده لمنظرها وهي بتصوت وتستغيث بيهم وبتنده عليهم واحد واحد عشان يلحقها وينجدها من ايد الي اغتصبها مابقاش قادر يتحمل المشهد ده صعب عليه يشوف بنته بالمنظر ده وهي بينتهك عرضها وشرفها س**ح قاتل مجرم خريج سجون من قطعين الطرق .. بقي يصرخ ويقول بنتي لا سبها ابعد ايد*ك عنها ياكلب وفجاءه بص في عنيه وهي عنيها ركزت في عين ابوها وهي مده ايديها لي عشان يلحقها وراح دبحها كل الارض بقيت مليانه دم

وقربت علي ابو طارق وهي غرقانه دم وقالتله حسيت انا حصل فيا ايه اتعذبت كفايه شوفتو سبتوني يتعمل فيا ايه انت محستش بيا زي اي اب بيحس بعياله لو فيهم حاجه انت حتي قلبك ما اتقبضش لثانيه عشان تحس ان بيحصلي حاجه انا مش هبعد عنكم ولا هسيبك تعيش مرتاح انت برضه زيك زي طارق هو مثل دور الأخ الحنين قدام الناس وانت مثلت دور الاب الجامد الي محدش عرف يربي عياله زيك انت معملتش حاجه تخليني اموت وانا مرتاحه انا اتعذبت انا ادبحت بدم بارد اتاذيت انا مش هرتاح الا لما تدوقو الي انا دوقته وتشفوه بعنيكم لسه عذابكم مخلصش لسه هتشوفو كتير ... وفجاءه اختفت وبقي ابو طارق مقطع نفسه عياط وكل الي طالع عليه انه بيقول ليه انا قصرت في ايه انا عملت زي اي اب بيربي بنات خفت عليهم وحافظت عليهم وجوزت الي متجوزين دلوقتي و هي حافظت عليها هي الي كانت دماغها ناشفه **مت تطلع لوحدها وانا معرفش ومحستش انا قصرت في ايه يا طارق يابني انا لو كنت اعرف الي هيحصل كنت اختارت ادبح مكانها انا بموت كل يوم وهي مش موجوده وكان مافتش يوم علي الحادثه ببقي حاسس بيها وبدعيلها كتير وانا عايز الي يدعيلي يصبر قلبي علي فراقها وعلي الي جرالها لو كان بايدي يابني كنت منعت قضاء ربما وقدره بس غصب عني يابني انا ماليش ذنب انا مش عارف هي ليه بتعمل كده وعايزه ايه عشان روحها ترتاح هو اصلا في كده هو مش ده بيحصل في أفلام السيما مستحيل الي شوفته يكون حقيقه وحصل بجد انا اكيد بحلم صح ياطارق انا بيتهيألي ده مش حقيقي لا مستحيل ... لا يابابا حقيقه وحصل بجد وكنت شايف وسامع بجد كل الي حصل حصل وانت شفته وسمعته وده يمكن ما يجيش ربع الي شوفته انا شوفت اسوء من كده دي م**مه تجننا وتدمرنا دي خلتني اشوف بنتي بنفس هيئتها وده الي خلاني فقدت اعصابي كده انا مش مجنون بس بنتك عايزه تجننا بتعاقبنا علي حاجه مالناش يد فيها ولا ذنب اكيد مكنش حد عارف انها هيحصلها كده هي ماتت وارتاحت لكن وجع القلب والحزن عاش فينا ولينا احنا هي فاكره اننا مش فارق معانا الي حصل وانا كل يوم بحس بيها وبوجودها في البيت بشوفها علي السطح واعدتنا سوا وهزارنا وكلامنا بنتك الي ماتت حاجه وروحها الي جايه تنتقم دي حاجه انا مش عارف في ايه واحنا عملنا ايه في كل الي حصلها غير اننا موجوعين لحد دلوقتي حتي بعد ما فات سنين علي موتها انا مش عارف افكر يا بابا دماغي وقفت دلني علي حاجه اعملها ومش هتأخر وفي سط الكلام سمعو جرس الباب وطلعو علي الصوت لكن داليا كانت فتحت الباب والي جه كانت شاديه اخت طارق طبعا طلعو رحبو بيها وفرحو بأنها جت سلمو علي بعض واعدو يطمنو عليها وعلي عيالها وهي نفس الكلام بتطمن عليهم وعلي سحر الصغيره شويه وجرس الباب رن تاني وكانو باقي اخوات طارق طبعا كانت مفاجأه بالنسبه لطارق وباباه الي استغربو وجود كل اخواته علي غير العاده من مده كبيره محصلش تجمع زي ده بقو بيراعو ان داليا غريبه عنهم وليها خصوصيات وحريه شخصيه مش عايزين يبقو تقال فابيروحو زياره كل فين وفين وكل اللي بينهم تليفونات وبس اتكلم طارق من وسط ال**ت الي كان بيعم في المكان محدش عارف يتكلم يقول ايه او يبدء منين وطارق وابوهم مش فاهمين حاجه وايه سر الزياره دي وشكلهم عامل كده ليه وقالهم ايه مناسبه التجمع ده تتحسدو بقالكم كتير معملتوش كده .. ردت شاديه وقالت جرا ايه يا طارق مش عايزنا نيجي بيتك وبيت ابويا ولا ايه مش كلمه تتقال دي ياخويا امال لو كل يوم عندك هتقول ايه ... ايه يا شادية مالك مش قصدي الي فهمتيه ده عيب علي فكره مش انا الي اقول كده انا بس مستغرب اننا بنتفق قبلها عشان يبقي كله موجود واجازه مش فجاءه كده لكن طبعا انتو تيجو اي وقت سواء البيت كان بيت ابوكي او بيتي دي بيوتكم برضه ...فهمت غلط يا طارق معلش اقعد بقي عشان عايزين نفهم الي بيحصل ومراتك بتحكي عليه انه بيحصل في ايه مالك انت تعبان محتاج دكتور نود*ك عند دكتور الي كان بيعالجني

ايه ياشادية الكلام الفارغ ده جبتيه منين وداليا هي الي قالتلك كده وانتي صدقتيها وجايه تتهميني بالجنون جرا ايه انتي عشان اتجوزتي حسيتي انك كبرتي عليا انا لسه اخوكي الكبير ماينفعش اسمع منك كلامك ده وياريت تسحبي الي قولتيه عشان مش هقبله ... ردت داليا قالتله لا انت اتجننت وبقيت تصرفاتك غريبه وت**ف وف*جت علينا الناس و**ف*نا حتي ابوك شايف انك اتجننت انا مش هقدر اتحمل وضعك ده جبت اخواتك يشوفو صرفه معاك ... وفجاءه بدون مقدمات لقت قلم نازل علي وشها وقالها انا راجل مش محتاج تعمليلي اعده وتركبيني غلط واه اتجننت ومحدش فيكم لي عندي حاجه عجبك حالي عيشي واسكتي واحترمي نفسك وبيتك وسر بيتك مش عجبك وتفضلي تتكلمي مع أي حد وتشكي لاخواتي يبقي هدومك في شنطتك وعلي بيت اهلك ماتلزمنيش....