روح بريئة

الجزء الثامن عشر

داليا..بتنادي علي مامتها بخوف وبسرعه جدا .

(ماما ياماما الحقيني بسرعه .

ده كان صوت داليا وهي بتصرخ جريت امها علي الاوضه وهي مخضوضه وخايفه ليكون حصل حاجه لحور في الاوضه راحت تشوف في ايه وصلت الاوضه لقت داليا واقفه مبرقه ومش بتتكلم .. إم داليا ... في ايه يابنتي سرعتيني بتبص لقت حور واقفه ورا الباب ومتنحه وخايفه جدتها فضلت تسالها في ايه يا حور مالك واقفه كده ليه ياحبيبتي تعالي .. بتصرخو ليه يا ولاد فهموني ياداليا فوقي بقي فهميني في ايه ماكنتو كويسين حصل ايه بس يارب ..نطقت حور واتكلمت عايزه امشي عايزه اطلع من هنا بسرعه

قربت حور من جدتها وقالتلها وهي شكلها خايفه وقلقان .

-خرجيني.. خرجيني ياتيتا من هنا انا عاوزه امشي.

خرجتها جدتها من الأوضة وهي لسه باصلها باستغراب..

في ايه يا بنتي .. ما احنا كنا قاعدين كويسين

بلعت حور ريقها وقالتلها وهي بتروح ناحية باب الشقة..

لا يا تيتا .. الشقة دي فيها حاجة ماما وطنط الي كانت معاها بعد ما خرجو بشويه لمحت خيالات بتمشي على الحيطان.. ومش بس كده، انا طول ما انا قاعده او نايمه حتي كنت سامعه اصوات ناس بتتكلم مع بعض بصوت واطي وبكلام مش مفهوم انا حاسه إن الشقة دي فيها حاجة لو سمحتي يا تيتا مشيني من هنا بقي انا خايفه اوووي من أول ما جيت.

يا داليا تعالي يابنتي ونبي شوفي بنتك عايزه تنزل اعمل معها ايه ارحموني تعبتو اعصابي فيكم ايه لاحول ولا قوة الا بالله يارب احنا مش بنأذي حد ليه بس بيجرا كده استرها عليهم يالطيف يارب ... ماما انا بدأت اكرهه حياتي والله اعمل إيه مش عارفه ومش فاهمه الي بتقوله حور يعني ايه خيالات ايه واصوات مين هو في غيرنا هنا ولو كلامها صح دي بتقول أن ده بيحصل من اول ما جينا طب ما قالتش ليه... بصي يابنتي انا هكلم خالتك تقولي علي الشيخ الي قريب جارتها واخليها تكلمه يجي يرقيكم ويحصن البيت واخليه يجي يرقيكوا ويقرالكوا قرأن، انا ممكن اعمل ده لو انتي عندك استعداد لكن مش اكلم الناس وت**فيني... لا ياماما اتصلي ربنا يجعل الحل في ايديه انا اعصابي باظت خلاص وربنا يلطف بينا . ماشي يا حبيبتي خدي البت اغسلي لها وشها وشربيها لبن عشان الخضه دي ربنا يحفظكم ... وفعلا خدت حور غسلت وشها وشربت اللبن ودخلتها اوضه جدتها وشغلت التليفزيون علي قرأن ...الصوت بدا يضايق حور وطلبت من مامتها تقفل الصوت عشان هي عايزه تنام.. ياحبيبتي ده قرأن حلو هترتاحي شويه .. لو سمحتي ممكن تطفيه بس وهي بتقول كده كان صوتها متغير شويه وبتقول الكلام وكانها حد كبير مش طفله عندها خمس سنين .. قلقت داليا للحظه وبعدين استسلمت للوضع وسابتها وطلعت اعدت تفكر لوحدها وتكلم نفسها .. طب ازي شافت الحاجات دي الي بتقول عليها وانا ماشوفتهاش ولا ماما والا كانت قالتلي.. هو انا اه بشوف كوابيس او احلام وحشه لكن في الأول الاخر كوابيس يعني عادي بتحصل مع أي حد ولأي حد وبعدين البيت دايما في قرأن شغال وصلاه ومصاحف ازي يحصل في كده مش عارفه .. هي اكيد طفله بيتهيالها او بتعمل كده عشان تروح البيت تاني ماهي عارفه انها نقطه ضعفي وان كل ده من وحي خيالها بس

ولحد هنا نقدر نقول ان داليا اوهمت نفسها بكده عشان تعرف تعيش وتكمل في بيت مامتها لحد ماتشوف حل لطارق .. والغريب بقى إنها يومها بعد ماهايدي مشيت وحصل الي حصل قعدت داليا تقرأ كتاب في اوضتها وبقيت من اوضتها للصاله وماشافتش حاجه خالص ولا سمعت حاجه

ده حتى القطه بوسي اللي كان باين عليها إنه تعبانه، بعد شوية قامت وفضلت تجري وتلعب في الشقة بشكل هيستيري لحد بالليل.. ومع دخول الليل ماما صحيت وحضرنا العشاء وبعد ما اتعشينا كلنا ودخلنا ننام، فجأة قومت من النوم مخضوضه ومفزوعه، بس المرة دي مش بسبب حلم او كابوس، المرة دي كان بسبب بنتي اللي صحتني من عز النوم وهي بتقولي..

-ماما .. قومي يا ماما بسرعة، قومي شوفي بوسي مالها

قومت من النوم وخرجت معاها لمكان القطه، لقتها كانت نايمه قدام باب الحمام بشكل غريب، كانت فارده جسمها كله بطريقة غريبة وهي بوقها مفتوح وعمال يخرج منه دم!

قربت منها بحذر، وبقلق وبخوف ابتديت احسس عليها وانا عنيا بتدمع..

-مالك.. مالك يا بوسي ، ايه الدم ده كله..

سكتت لثواني وانا بمشي إيدي عليها وبعد كده بصيت لبنتي وقولتلها..

-اجري صحي تيتا بسرعة.

مسكت القطة وبصيتلها بتركيز وقت ما حور راحت تنادي ماماا ومع نظراتي ليها حسيت إنه هي كمان بتبصلي وهي خلاص بتموت، صوتها كان بيطلع بالعافية وكأنها بتنازع الموت، بس وسط ما ده كله كان بيحصل، قلبي كان مقبوض وكنت خايفة، مش بس بسبب الكوابيس الي كنت بشوفها فيها وهي مدبوحة او وهي بتموت، لأ.. انا كنت خايفة بسبب إن الدم اللي كان بيخرج من بوقها بدأ يبقى لونه أ**د

!

قعدت جنبها لثواني وانا عمالة اعيط عليها لأني مربيها بقالي كذا سنه من يوم ما اتجوزت طارق وانا حبيتها بعدها ماما جت وخدتها مني وبصت عليها وبعد كده قالتلنا

-القطة دي شكلها آكلت حاجة مسممة وخلاص بتموت...

وماكملتش امي كلامها، وفي نفس الوقت اللي كانت ماسكه فيه بوسي ، ابتديت القطة تتشنج لحد ما طلعت في الروح، ماتت القط وبعد كده امي خدتها ونزلت دفنتها في مكان بعيد عن البيت، وبصراحة في الليلة دي انا وبنتي وامي مانمناش، كانت ليلة غريبة عدت علينا وكأنها سنة، ومع طلوع النهار.. لبست بنتي عشان تروح الحضانه ونزلت ركبت الباص وامي كمان راحت تجيب طلبات للبيت ، وانا فضلت قاعدة فتحت التليفزيون يومها وكمان فضلت قاعدة مكاني لأن امي قبل ما تنزل قالتلي..ماتعمليش حاجه انتي شكلك تعبان ارتاحي

(خليكي قاعدة ياداليا لحد ما انزل السوق وارجع عشان هتصل بيكي تنزلي تاخدي مني الحاجات اللي هشتريها لأني مابقدرش اشيلها لحد فوق، وبعدين انا مش هتأخر ... ماشي ياماما علي مهلك لو مش قادره انزل انا عادي ... لا ياحبيبتي انتي هنا امانه عندي لحد ما ترجعي بيتك مع جوزك فا تفضلي لحد ما يجي غير كده مافيش نزول . يااه يا أمي بتحسسيني اني لسه في المدرسه ... هتفضلي عيله صغيره طول ما نا عايشه .. يطولي في عمرك يارب..

وفعلًا شغلت التلفزيون وقعدت قدامه لحد ما بعد حوالي ربع ساعه لقيت الباب بيخبط بشكل هيستيري!

قومت فتحت الباب اللي لقيت قدامه شاب واقف قال لي وهو بينهج..

-حضرتك ام حور

-اه انا.. خير في ايه ومين حضرتك

-انا شغال في السوبر ماركت اللي قدام العمارة، الحجة ماما حضرتك تعبانة اوي تحت، اتكعبلت وهي ماشية في الشارع وتقريبًا كده رجلها ات**رت، فاحنا اول ما لقيناها وقعت قعدناها على كرسي وعرفنا منها إنها ساكنة هنا.. هي قالتلنا ان حضرتك موجوده

اول ما قال لي كده، خدت موبايلي ومفتاح الشقة معايا ونزلت جري معاه ونسيت ان بنتي نايمه جوا لوحدها وفعلًا لما نزلت.. لقيت امي قاعدة على كرسي قصاد السوبر ماركت والناس ملمومين كتير قدامها ، كانت عمالة تعيط من الوجع ورجلها الشمال كانت ملوية وزرقة بشكل مش طبيعي مسكت موبايلي واتصلت بالأسعاف وبعد كده اتصلت بطارق يجيلي وفضلت قاعدة جنبها وانا بحاول اهون عليها، لكن وقتها بقى.. وسط الناس اللي كانوا واقفين حوالينا ووسط كلامهم الكتير، سمعت واحده منهم قالت لي كلام غريب اوي..