روح بريئة

الجزء الخامس عشر

لا ياحور مافيش كده انتي بيتهيألك اكيد .. لا والله يامامي في صحبتي اسمها سحر بس في حاجه غريبه اوي ... زي ايه يا حور .. هدومها كلها نوتي ... فيها ايه يعني بالظبط اتكلمي علي طول .. حاضر يا مامي براحه عشان اقول هدومها فيها دم وسالتها في ايه مالك وايه مخلي هدومك نوتي كده قالتلي بعدين اقولك ... و***بت معايا كتير انا مبسوطه ان بقي عندي صحاب .. لا يا حور مافيش صحاب دي مانعرفهاش

انتي صحابك الي معاكي في الكي جي بس لكن طالما انا معرفهمش وماشوفتهمش يبقي مافيش الكلام ده تاني ولو لقيتي حد تاني منهم قولي اسم ربنا كتير واندهي عليا اقعد معاكي او ياريت ما تقعديش لوحدك العبي قدامي او قدام نانا لو سمحتي .. حاضر يا مامي لما تيجي تاني هقولها انك زعلتي مني ومش عايزاني العب معاها تاني .. طبعا داليا هتموت من القلق وطلعت تحكي لمامتها .. لا يا داليا يابنتي مش معقول الي انتي بتقوليه ده بنتك صغيره تلاقيها شافت حد من الشباك ولا حد اتكلم معاها لكن هتقول علي ناس مش موجوده مستحيل ياحبيبتي انتي قلقه نفسك علي الفاضي دي طفله وخيالها واسع ممكن تتخيل حاجه زي كده او شافت علي التليفون وقولتلك بلاش البتاع ده بيبوظ العيال وبيجبلهم الوحده ولا التوحد ده الي بيقوله عليه اهو اديه حصل وشكله جه لبنتك يارب استرها معانا يارب... لا توحد ايه يا ماما بس اهدي الموضوع اكبر من كده بكتير .. يعني ايه يابنتي في ايه فهميني ... بصي يا ماما من فتره وفي حاجه في بيت حمايا مش طبيعيه .. ازي ياختي فطميني.. والله يا أمي مش عارفه بس طارق بيحلم وهو صاحي أو بيجله تهياوات وبيهلوس وبيقول اسم اخته علي طول وبقي عصبي جدا بشكل فظيع ولم علينا الناس يوم ماكنا عندك وبقي يصرخ ويفتش في حور بطريقه جنونيه هي كويسه او حصل فيها حاجه مكنتش فاهمه حاجه بصراحه واتخانقت معاه وقولت هسيب البيت بعدين لقيت حمايا تعب فا قولت اعقلي يابت وخليكي هما مالهمش حد وعيالهم كل واحد في شغله فضلت قاعده عشان خاطرهم .. وماله يابنتي مش عيب انتي اصيله وكل واحد بيعمل حسب ما اتعود واتربي

اوعي في يوم تقلي اصلك مع حد انا مربتكيش علي كده يا داليا ياحبيبتي .. والله يا ماما وحده غيري كانت سابتهم من اول موقف لكن آخرهم النهارده لما رمي البنت علي الارض من علي ضهره واتعورت لولا ستر ربنا الحمدالله ان الجرح سطحي بفضل الله طهرته بس مقدرتش اقعد استني اكتر من كده قررت اجي اقعد هنا لحد ما يتوضع حد للي بيحصل ده ..طب بصي يابنتي ما تخليهم يشوفو شيخ احسن بدل البهدله دي ليكون البيت بسم الله الرحمن الرحيم مسكون ولا حاجه ... هيتسكن ازي يا ماما وهو انا عايشه فيه بقالي يومين .. ما انا بقالي ٦ سنين اهو وكانت الدنيا تمام هو في ايه بالظبط انتي تعرفي حاجه ومخبيه عني ...

فلاش باك من حوالي ٦ سنين كان طارق قاعد في صالون بيت داليا هو وباباه واخواته وكام بيطلب ايدها وقرر طارق يصارح مامتها بحكايه سحر وكان الحوار كالآتي.... بصي يا طنط انا كان عندي اخت تانيه تؤام لشادية .. ماشي يابني ايه المشكله مجتش معاكم ليه لعل المانع خير في حاجه ولا ايه ولا انتو متشكلين مع بعض وحاجات عائليه برضه عادي بتحصل نصلح بينكم ياحبيبي اعتبرني زي امك عادي

لا يا طنط مش مشاكل ولا حاجه .. امال ايه يابني حيرتني معاك واختار دليلي.. معلش انا اسف بس اسمعيني وقبل ما توافقو ابقو فكرو الاول .. ماشي ياحبيبي قول سمعاك اهو خير قلقتني .. بصي يا طنط اختي سحر تؤام شاديه دي اتوفت الله يرحمها ويسامحها .. لا اله الا الله ربنا يرحمها يابني ويصبركم خير كانت مريضه ولا ايه .. لا اتقتلت.. ض*بت بايديها علي ص*رها وقالتله يالهوي ياساتر يارب ليه كده يابني انتو ليكو اعداء ولا ايه انا خفت قلقتني يا طارق بنتي ممكن تكون في خطر .. ضحك ضحكه بسيطه علي تفكر ام داليا .. لا يا طنط مش اعداء عمرنا ما أذينا حد اصلا وكل علاقتنا بالجيران تقضيه واجب واحترام وبس مافيش مشاكل ولا طوله ل**ن ولا مدخلين مع حد لدرجه ان يبقي في بنا في يوم عداوه .. طيب امال جرا ايه .. الي حصل في يوم من الايام كان الجو شتوي شويه شويه هو علي شتا بسيط واختي سحر رحمها الله كانت بتحب الجو ده اووي وكانت م**مه تطلع السطح بتاع بتنا وان مكنتش مو جود وابويا راجل كبير وامي كانو بينامو بدري .. واختي شاديه هي الي كانت بتتف*ج علي التلفزيون.. وباقي البنات اتجوزو فا هي **مت تطلع وشاديه رفضت وقالت سقعانه اصبري لما اخوكي يجي بقي واطلعي معاه مع انها مش عنيده بس حظها خلي دماغها تنشف وتعند وتطلع السطح وأما لما عرفت قولت هطلع بس دخلت غيرت وكلت ونمت محستش غير الصبح لما بيسألو عليها وانها ما نامتش في فرشتها.. راحت فين محدش عارف مالهاش صحاب اوي ودايما هما الي بيجو البيت وجريت شادية تشوفها فوق يمكن نامت غصب عنها وطلعت وياريتها ماطلعت ... شافت منظر كان ممكن نتحمل العما في يوم من الايام ولا اننا نشوفه شافت نصها التاني وروحها مدبوحها وغرقانه دم وباين علي شكلها وهدومها آثار ت***ب ومع الكشف الطبيب الشرعي قال انه تم ا****بها بعنف وض*بات في أنحاء جسمها ودبح في الرقبه... ومحدش يعرف ايه الي عمل فيها كده معناش في العماره شباب او حد ممكن دماغنا تروحله يكون عمل فيها كده مافيش امي طبعا دخلت المستشفي وشادية انهارت لما شافت المنظر ده واتعالجت مده كبيره عند دكتور نفساني فا انا حابب بس اعرفك ان الحادثه كانت علي سطح بيتنا ... طبعا صدمه من الي سمعته الست وخافت وقلقت برضه .. وشاف غلي ملامحها ده مكنتش محتاجه تتكلم وتقول الي حسيته .. رد عليها طارق قالها بصي يا حجه اختي اغتصبت واتقتلت من شاب شافها لما الشال بتاعها طار في الشارع و**م يطلعهولها ولما طلع ولاقها حلوه وفيها الطمع مرحمهاش وعمل فيها الي عمله وهو خد جزاءه ودول كانو شله غرب عن المنطقه ولما واحد فيهم اتمسك قال علي التاني الي عمل الجريمه دي واتجاب وممكن تسألو اي حد من المنطقه هتعرفي كلامي صح ولا غلط واسف لو طولت عليكي...

نرجع من الفلاش باك لداليا ومامتها ايوه يبقي زي ما بقولك كده شيخ هو الحل بعد رينا طبعا .. مالك ياماما سرحتي في ايه وحل ايه وشيخ ايه ايه الي بتقوليه ده بس .. لا لازم البيت ده مسكون ولازم الروح دي ترتاح مسكون ازي ياماما وروح مين .. روح سحر اخت جوزك تؤام شادية ... يعني انتي عارفه كل ده

وماقولتليش يا ماما يابنتي الراجل كان كويس وانتي كنتي مرتاحه ابوظ الجوازه ليه بس ومكنتش اعرف ان ده كله يحصل فا اسمعي كلامي قولي لجوزك يجيب شيخ كويس يطرد الروح دي ترجع مطرحها وترتاح ماهو الي عمل عملته خد جزاءه يبقي يصرفها وتخلصي من الكابوس ده ... حاضر يا ماما هقوله لما يتصل يكلم حور