روح بريئة

الجزء الثالث عشر

طبعا اخواتي زعلو من كلامي وكل واحده بكلمه بقي ده اسلوب ياطارق دي طريقه تتكلم بيها مع اخواتك احنا خايفين عليك ومراتك الي كلمتنا وقلقنا لو مكنتش قالت مكناش هنعرف حاجه احنا لا بنيجي ولا بنتقل عليكم وكب واحده في بيتها والي وراها محدش فاضي لحد لكن تقابلنا وتكلمنا كده واحنا جاين بنتكلم خوف عليك من الي اتقال ... بصو يا جماعه انا مش قصدي انتو عايزين تزعلو نفسكم وخلاص انا بتكلم إن مكنش ينفع تتهموني بالجنان انتو جاين عاملين عليا مجلس وبتحققو معايا كأني عملت جريمه عادي ممكن نفسيتي تعبانه شويه لاني مش بنسي سحر اختكم علي طول في بالي اكيد ده مأثر فيا يعني انتو بقي سمعتو كلام واحده فاضيه ما ورهاش الا المشاكل ووجع دماغ دي حاجه تانيه وانا كلامي خلص وده بيتكم انتو وانا ضيف في اي وقت تيجو وتشرفو... ده كلامك يا طارق ماشي زي ما تحب احنا جينا واتكلمنا عشان خوفنا عليك قولنا نلحقك لكن انت فهمتها كده براحتك يا ابن امي وابويا

خلصو كلام وكل واحد رجع علي بيته وفضل طارق مع نفسه في اوضه الي كانت بتاعت اخواته البنات

فضل اعد مع نفسه بعد شويه دخلت داليا عشان تعتذرله وتشرحله موقفها وهي ليه عملت كده وانه كان غصب عنها هي خافت عليه ... خبطت داليا علي باب الاوضه وطلب من الي بره يمشي هو عايز يكون لوحده .. ماسمعتش الكلام وفتحت ودخلت ووقفت قدامه وقالتله مش جايه اضايقك ولا اتخانق انا بس جايه اعتذر عن الي حصل والي انا عملته بس صدقني اتصرفت غصب عني انا قلقت وخوفت عليك وصعب عليا منظر بنتي وهي خايفه منك خايفه من ابوها الي المفروض بتهرب من كل حاجه بتخاف منها جوا حضنه هو مش تقلق وتهرب منه انا مقصدتش اصغرك ياطارق لا عشت ولا كنت عشان اصغرك قدام اهلك بس انت فعلا ماشوفتش حالتك كانت عامله ازي كنت تخوف وانت بتصرخ وتعيط كان في مصيبه حصلت وبقيت تمسك حور وتدور في جسمها البنت اتفزعت منك ولحد دلوقتي مش مستوعبه إن ده غصب عنك عايزه افهم مالك صدقني محدش هيقف جمبك ولا يخاف عليك غيري هو مش عارف يرد عليها هي عندها حق تخاف منه وبنته برضه طفله مش هتستحمل الي بيحصل ده

لكن هو معندهوش رد كل الي قاله حصل خير بس مكنش ينفع تفاجئيني بوجود اخواتي كأنهم جاين يحققو معايا خلتيني زعلتهم بكلامي .. بصي يا داليا انا مش مجنون ولا مريض نفسي لكن انا بقيت بشوف سحر وبشوف مشهد ا****بها قدامي بشوفها وهي غرقانه دم ومدبوحه ومضروبه بشوف اهانه و**ره اختي وبفتكر تقصيري في اني جالي نوم يوم الحادثه وهي بره البيت مفكرتش اطلع ابص عليها حتي نمت وكأن حاجه هي الي خلتني انام مش بمزاجي انا بعمل كده عشان مش بتحمل الي بشوفه ومش هتحمل الي ممكن تعمله مع حد فيكم سحر الي يشوفها زمان ما يشوفش الي بتبقي فيه وهي جايلي في حلم او في خيالي ب*عه دي بتيجي تفكرني بالي حصلها وتخليني اشوفه مش عارف ازي انا مكنتش بصدق ان ده بيحصل يا داليا الا في الأفلام تمثيل لكن انا عشته انا بشوفها بكلمها بترد عليا وعايزه تأذيني وتأذي بنتي عارفه امبارح لما طلعتي انتي وسبتيني احاسب التا**ي انا طلعت لقيت النور مطفي ولما وصلت خبطت بسرعه عشان حسيت بنفسها جمبي حسيتها حواليا بصراحه كنت خايف من الاحساس بس ولما خبطت والباب فتح لقيت حور غرقانه دم والكلب ده بيغتصبها ما اتحملتش والله ماقدرت اتحمل منظرها كده ونسيت انها ممكن تكون تهيأوات وانها بتلعب باعصابي بس ما حستش غير وانا بحضن حور واطمن عليها معرفش اقولكم حاجه تانيه ولا اتكلم حمدت ربنا ودخلت جوا ات**فت منكم لكن انا غصب عني ده حصل وانتي كملتي عليا بالي عملتيه بلاش تصغريني ياداليا ... نعم ايه الي انت بتقوله ده يا طارق هو ده حقيقي ومفروض يتصدق يعني ايه بشوفها وتكلمها وتكلمك ويعني ايه تأذي بنتي او تخلي يجي في بالك ان بنتي يحصل فيها كده مش معقول يكون بجد

لاا انا فعلا مش مصدقه مش قادره اقتنع ان في حاجه اسمها كده طيب الحل ايه لو انت كلامك صح مع اني مش عارفه أصدق بس خليني معاك للآخر نتصرف ازي يا طارق وجعت قلبي بنتي لا انا ماليش غيرها ونبي مش هقدر استحمل تعب الاعصاب ده وبنتي مالها ذنبها ايه ولا انا مالي انا ما اذتش حد من يوم ما دخلت البيت ده وحتي هي لا شوفتها ولا اعرفها عشان يكون بينا عداوه وبعدين كلكم بتقولو دي كانت ملاك علي هيئه بشر في ايه بقي هي ماتت وعايزه تدمرنا واحنا عايشين طب هتستفاد ايه انا فاهمه ... هي روحها متعذبه شايفه حقها مجاش وأننا ماحفظناش عليها وكلنا كدابين ومكنش حد بيحبها كل ده هي قالتهولي يا داليا طيب خلينا نفكر ايه الي ممكن يريح روحها وتبعد عننا فجاءه داليا صرخت سمعت صوت صويت جوا ودانها لدرجه انها بقت تصرخ في الصرخه بنفس القوه ... طارق فهم ان في حاجه بتحصل فضل يقولها مش قولتلك هي هتدمرنا وظهرت سحر بشكلها الي مليان دم وهدومها المقطعه عارفه ذنبكم ايه ولازم تعيشي الوجع معاهم ليه عشان بقيتي منهم عشان انتي همك نفسك بس خايفه من الي بيحصل علي نفسك وخايفه علي بنتك وانت خايف عليها خدو حقي اقتلو الي عمل فيا كده ... ايه ده في ايه مش معقول مين دي يا طارق مين وبتقول ايه مش فاهمه حاجه انا خايفه ياطارق وراحت مسكت في من خوفها قالها اهي دي سحر اللي اتقتلت.. دي البريئه الي عمرها

ما اذيت حد دي الي البرائه تتعلم منها طيب ازي وهي بتحاول تأذينا.. بنتي لا ياطارق فاهم يعني ايه بنتي لا قولها تبعد عنها هي معملتش حاجه وبعدين نقتل مين مستحيل يحصل انتي عايزه تدمري حياتنا ليه انتي كان ده نصيبك ومكتوبلك مش ذنب حد اطلبي اي حاجه تانيه غير ألقتل لا انا ولا طارق هنعرف نعمل ده طبعا

ياطارق قولها انا ما اذيتهاش انا معملتش حاجه عشان تنتقم مني ... ردت سحر عليها لا عملتي انتي دخلتي العيله دي بمزاجكك يبقي لازم تدوقي الي هيدقوه مش معقول تعيشي الحلو بس .. فضلت داليا تصرخ لحد ما صوت سحر اختفي وهي اختفت من قدامهم واغم عليها حاول يفوقها ولكن مش عارف جاب ميه ورشها وبرفان وبرضه مافيش امل خدت وقت علي ما فاقت لما الدكتور وصل وعطاها حقنه مهدئه وقال دي صدمه عصبيه ياريت يبقي الجو اهدا شويه من كده عشان غلط عليها انها تتعرض لاي ضغط عصبي الفتره دي ... الف سلامه علي المدام يا استاذ طارق .. شكرا يادكتور اسف تعبت حضرتك معايا .. لا طبعا ماتقولش كده ده واجبي وان شاء الله تقوم بالسلامه وتطمن عليها .... كانت حور قلقانه وخايفه علي مامتها ومش عايزه تقرب من طارق خالص كانت واقفه علي باب الاوضه بتابع الي بيحصل ومش عايزه تقرب .. طارق خد باله منها وهو راحلها وقالها تعالي يا حور متخافيش ماما تعبانه شويه بس ونايمه

اوعي تكوني خايفه مني .. عنيها دمعت وقالت اه انا خايفه منك مش عاوزه اجي سبني اروح اوضتي ... لا ياحبيبتي اوعي تخافي مني انا بحبك انا ماليش غيرك ياروحي وانا اسف ياستي علي الي حصل مني غصب عني كنت تعبان شويه بس سامحيني ياحبيبه بابا.. مش هتعمل كده تاني يعني .. لا خلاص توبه هههههه .. خلاص وديني اوضه تاعتي يلا .. ماشي ياستي من عنيا يلا بينا وشالها علي ضهره زي ما بتحب انه يشيلها ودخل الاوضه ..وكانت الصدمه ...