روح بريئة

الجزء الرابع عشر

الصدمه كانت لما دخل طارق وهو شايل حور بنته علي ضهره ولقي اوضه بنته كلها دم في كل حته وشاف القطه بوسي مدبوحه بس المره دي حاسس انه المشهد بجد مش تهياوات لكن الي لفت انتباهه هي حور وانها ماصرختش ولا خافت ولا اي حاجه فضلت علي ضهره زي ماكانت وتقوله ايه يابابا مالك دخلني اوضه وقف ليه هنا .. بيبص علي بنته بجنب عنيه لقي ملامح سحر اخته قدامه وتضحك له ضحكه مستفزه لحد كده كان الوضع ممكن يبقي عادي ويعدي لو كان كمل ودخل الاوضه لكن من خضته رمي البنت من علي ضهره طبعا البنت اتخبطت واتعورت في رأسها بقت تعيط وتصرخ وتنادي علي مامتها وجدها يلحقوها وكل الي بتقوله بابا وقعني وتعيييط داليا وابو طارق جم جري علي صوت الصريخ لقو البنت مرميه في الأرض ووشها غرقان دم .. داليا جريت شالت حور في حضنها وحاولت تكتم الدم بقطن لحد ما تنزل بيها للدكتور .. ابو طارق بيسأل طارق الي حصل ايه يابني في اية مش عارف يا بابا مش عارف انا كنت اخد سحر ادخلها الاوضه بتاعتها وكنت بصالحها علي الي حصل عشان كانت خايفه مني وكده فجاءه لقيت الاوضه كلها دم يابابا

وبوسي كمان كانت مدبوحه وكانت سحر مش خايفه من المنظر انا متأكد مش تهيأوات انا شفت كان بجد والله ببص علي سحر لقيتها بتضحك ضحك مستفز وملامحها بقت كلها سحر اختي خفت والله ورمتها من علي ضهري غصب عني والله مش عارف حصلي ايه شكلي اتجننت فعلا ولا نفسيتي تعبانه وديني مستشفي المجانين يابابا انا مش هقول لا .. لا يابني بتقول ايه بس مستشفي ايه ومجنون ايه بس ماهو الي شوفته قبل كده انا شوفته كمان يعني انت مش بتكدب حاول تفهم داليا واستحملها هي خايفه علي البنت والوضع بقي يخوف بصراحه وحقها فا معلش سايسها.. حاضر يابابا يلا بس نشوف سحر .. دخلو الاوضه لقو داليا بتنضف الجرح لحور وبتهديها ولقت ان الجرح سطحي ومش محتاج دكتور نضفته وحطت قطن وبلاستر وحاولت تخليها تنام وسمعت كلامها هي كانت شاطره ومؤدبه بتسمع الكلام الي بيتقالها وتنفذه نامت حور وطلعت داليا وطلبت تتكلم مع طارق وابوه في الوضع الي بقي مريب ومابقتش قادره تتحمله.. بص يا طارق بص ياعمي بعد اذنك يعني انا مش هينفع اقعد هنا تاني معلش يا طارق اما تعالج مشاكلك ويبقي البيت وانت في وضع يسمح ان بني ادم يعيش في هبقي ارجع لكن انا اعصابي تعبت بقيت خايفه طول الوقت . بنتي بقت عايشه في رعب وتقوم مفزوعه من نومها طب ليه عايشه في بيتها ولا في الشارع اعده وسط ابوها وجدها ولا ناس غرب عنها الوضع محدش يتحمله اصلا وانا مش قله اصل مني بس فعلا انا بقيت خايفه من طارق ومن البيت حتي البنت لما حاول يصلح الي حصل منه بوظ اعصابها اكتر فا مش هستني انه يموتهالي ولا يحصل زي الي حصل دلوقتي سامحوني انا في بيت اهلي لحد ما المشاكل الي عندك ياطارق تخلص ... انتي عايزه تخدي بنتي وتمشي لو عايزه انتي امشي براحتك مش هعترض لكن بنتي لا صعب أوافق علي الي بتقوليه... طارق ما تضغطش عليا من فضلك انا همشي عشان خوفي علي بنتي ... وانتي شايفه ان انا ممكن أذي بنتي اااه شايفه كده عشان انت عملت كده هتجيبلها انهيار عصبي حرام عليك .. اتكلم ابو طارق وقال ماشي يابنتي شوفي الي يريحك واعمليه خدي بنتك وغيري جو عند اهلك زي ماتحبي .. وفعلا نفذت داليا الي اتقال ولمت بعض حاجات ليها وللبنت .. عدا يومهم بالشكل ده وكل واحد فيهم عايش صراع جواه هو مالوش ذنب في

وكان اليوم بالنسبه لطارق وابوه ممل لحد ماخلص وك واحد دخل اوضته عشان ينام يمكن يطلع حلم كل ده

ويرتاحو من وجع القلب وتعب الاعصاب الي عايشين في بسبب غلطه مش هما السبب فيها .. نام طارق لكن مكنش نوم عميق كان طول الوقت قلقان ويقوم يبص في الساعه لما يأس من انه مش عارف ينام راح مشغل قرأن جمب ودانه ونام فعلا راح في النوم محسش بنفسه الا الصبح وهو سامع المنبه بيرن صحا وهو مليان **ل واستعيذ بالله من الشيطان وراح علي الحمام ودخل يغسل وشه وبعد كده خرج لقي بوسي في الطرقه جريت عليه وأعدت تتمسح بي رجله وتشد رجله راح موطي وشالها وفضل يلعب بيها شويه ويبوس فيها شويه ويشم ريحه اخته وبنته فيها لحد ما لقا باباه بينادي عليه يلا ياطارق سيب بوسي وتعالي عشان تفطر قبل ماتنزل عشان ماتتأخرش علي شغلك ... ساب بوسي فعلا وراح قعد

جمب ابوه علي السفره .. اتكلم وهو بياكل بيقوله والله ياحاج معنديش نفس للشغل ولا اي حاجه بس اهو لازم بقي .. معلش يابني اكيد كل حاجه ليها حل

ربنا جعل لكل عقده حل ومافيش داء مالوش دواء

ربنا يستر بقي يابابا كله علي ربنا طبعا.. يلا ياحبيبي كل عشان تلحق شغلك كفايه وقف حال كده وحاول تبقي بتسمع قرأن كتير واستعيذ بالله من الشيطان واقول الأذكار ربنا يكرمك ويحفظك يابني ... صحيح يابابا كنت عايز اقولك ان احنا لازم نمشي من هنا... ازي ياطارق نمشي نروح فين يابني... اي حته ياحج مش هتفرق بعيد وجع القلب ده أهم حاجه انا مش هتحمل بنتي تبقي بعيد عني .. لا ياطارق مش موافق اسيب البيت الي عيشت في عمري كله ده من ريحه ابويا وامي الله يرحمهم وانتو كبرتو واتربيتو في وبنتك وعيال اخواتك برضه هيتربو ويكبرو هنا بلاش كلامك ده ازي عايزني اسيب بيت جمعني انا والمرحومه امك واختك الله يرحمها دمها في البيت ده روحها في مش هينفع لا .. خلاص يابابا انا هأجر شقه ليا انا وبنتي ومراتي لكن مش هقدر اكمل هنا البيت بقي مريب ويخوف .. بنتك عايزانا نقتل ... ايه بتقول ايه بس مين يقتل مين .. والله يابابا سحر عايزانا نقتل الي عمل فيها كده ... قتل ايه احنا بتوع قتل ياساتر هي عمرها كله عاشت طيبه ومحترمه روحها بتعمل فينا كده ليه .. طب ماهو الجاني هياخد جزاءه من الحكومه وياخد إعدام... غير جزاءه من عند ربنا .. ونعم بالله ياحج بص انا هستأذن وامشي دلوقتي عشان هتأخر كده ولما ارجع يحلها ربنا ونكمل كلام .. ماشي يابني الله يسهلك طريقكك ويكرمك ويبعد عنك السوء .. يارب يابابا يسمع منك ربنا ويخليك ليا ياحج .. صحيح يابابا عايز ابقي اعدي علي اخواتي أراضيهم عشان الي حصل من يومين ده اكيد زعلهم وانا ماليش غيرهم واحاول افهمهم الي حصل بالظبط يمكن يصدقوني ويفكرو معايا في حلول للي بيحصل ده... وماله يابني روح ربنا يخليكم لبعض ويهد*كم انتو مالكوش غير بعض ربنا مايحرمكم من بعض ابدا ياطارق يارب يكملك بعقلك يلا انزل بقي ..يلا سلام عليكم.. عليكم السلام يابني ... أما عند داليا فاكان اليوم بيعدي ما بين خدمه مامتها وخدمه حور .. بس بدأت تلاحظ حاجات غريبه علي بنتها بتقعد لوحدها وتلعب وتتكلم لوحدها ولما بتسالها تعملي ايه يا حور .. بلعب يامامي.. بتعلبي مع مين ياحبيبتي .. يامامي صحابي وفيهم واحده اسمها سحر جميله اوي يا مامي هبقي اخليها تتعرف عليكي لما تيجي تاني .. ايه بتقولي ايه سحر وبتشوفيها وتلعب معاكي .. اه يا ماما والله .. ودي كانت بدايه اللعبه ...