أول نظرة

الفصل الأول

الكاتبه ابتسام محمود الصيري

رواية/ عالم داخلى

بنت تنزل من الطيارة و في ملامحها الحزن

تمشي في **ت لحد ما تخلص اجرءات الوصول و تلبس البلطو و تاخد شنطها و تطلع برا المطار تاخد نفس طويل و تطلعه ب بطء و توقف تا**ي و تركب و تقوله العنوان و فضلت تبص ع الشارع من الشباك بعد وقت وصلت بيتها حاسبت التا**ي و اخدت شنطتها و نزلت دخلت العماره و طلعت بيتها فتحت الباب ‏سابت ‏شنطتها في الارض و دخلت اوضه نوم مامتها و باباها و بصت ع الصوره بتاعتهم و دمعه خانتها و نزلت

ريتاج تكلم نفسها / يااااا عدى وقت طويل اووى وحشتووونى ، و تبص ل صورة مامتها انا دايما بعمل اللى قولتيلى عليه عمرى ما قصرت في حاجه بس انتى وحشتينى اووى و تروح عند ترابيزه و ياخدها الشوق و الحنين و تمسك كتاب مكتوب عليه لياااالى و تفتح اول صفحه و دموعها تنزل كتير و تبدأ القرأه

في مكان مخيف كنت بجري و ببص يمين و شمال بدور ع حبيبي في كل حته و فيه و حوش ب تجري ورايا ، كنت مش عارفه اروح فين و من كتر ما كان شكل المكان مخيف حطيت ايدي ع عنيا و وقفت ، الوحوش مسكوني ، صوت صريخي يملا المكان و بحاول اقاوم الوحوش .. فجأه اغمى عليا و و محستش غير ب صوت ال**ت ملا المكان

بعد حوالي ٣ ساعات فوق و لاقيت نفسى جوه اوضه فيها نور ضعيف و صوت نفسى عالي و كان سريع جدا و غير منتظم

قولت بصوت مرتجف و مليان خوف

**انا تعبت تعبت خلاص مش قادره استحمل انا لازم اكتب بس هكتب ايه و هقول ايه لازم اقول كل شئ حصلي و لازم كل العالم يعرف انا مين و حصلي ايه عشان لو قتلونى او قتلو حبيبي العالم كله يعرف ان هما اللى عملو كده

بحاول اقوم لقيت ايدى مكلبشه بسلاسل من حديد بس طويله قمت لحد كبس النور لقت النور مش بيولع

** حصلت ل كده ؟ مش كفايه السجن اللى انا فيه ؟ كمان مافيش نور.؟ . فاكريني لسه بخاف .. (صوتى كله دموع ) اخاف بس ازاي بعد كل اللى شوفته و اللي حصلي

انا لازم اكتب لازم

(الدموع تملا وشي و طلعت التلفون من جيبي . اه هو كان ما فيش نت بس كنت حاسه الفون ممكن يلاقيه بشر فيه يوم من الايام و ابتديت اكتب بإيد مرتعشه )

انا اااا اسمي ليالي بنت في قمة الجمال و ده مش رأيي انا ده رأي كل اللى شافني .. حتى هما قالو كده عني و قالو انى هدمر كل شباب العشيره بسبب جمالى عندى ٢٢ سنه كنت في اخر سنه في كلية اقتصاد و علوم سياسيه لحد ما جه اليوم المشئوم . انا مش عارفه بكتب ليه و ياترى اللى هكتبه هيوصل لحد ولا لا بس انا لازم اكتب كل حاجه

و حاولت اتمالك نفسي و خوفي

انا كنت ساكنه في بيت اسري هادي جدا

بيتكون من ام اخ اخت و انا

و اللى حصلى و اللى انا فيه ده بدأ من حوالى 3 سنين ، بس هبتدى احكيلكم ع اللى حصل من شهرين لما شفت ياسين

ياسين شاب طويل جسمه متناسق دمه خفيف دايما بيهزر ، بيشتغل جنب دراسته و بيصرف ع نفسه و شايل مسئولية نفسه ملتزم جدا برغم خفة دمه

اما انا زي ما قولتلكم بنت جميله جامده اووى زي ما الكل بيقول بس بقيت اهرب من كل البشر، بصد اي حد يفكر حتى يكلمنى ، بتعامل مع الناس كلها بحذر مش بقبل اي حد يقرب منى بخاف ع الناس منى و ده بسبب العشيره

ياسين كان في رابعه معايا ، دايما كان بيلفت نظرى بهزاره بخفة دمه كنت بحس انه مش عنده مشاكل خالص و كان اول كلام بينى و بينه

ياسين / انسه .. يا انسه

- كنت بخاف اي حد يكلمنى بس اول ما كلمنى تنحت و قلبي دق

ياسين ب ابتسامه / وصلتى لحد فين بكلمك

-رديت بتوتر / حضرتك عايز حاجه

ياسين بهزار/ لاء لاء

- قمت بسرعه من ع الكرسي و مشيت مع انى كنت نفسي اتكلم معاه

لقيته وقف قدامى و بيكمل هزار / ايه يا بت انتى بتمشى من غير ما اخلص كلامى دا انتى ليلتك سوده

- بصيت الناحيه التانيه مع انى كنت هموت من الضحك بس حاولت امسك نفسي لقيته بيقول

-ايوه كده اسمعى الكلام هو انا لازم ازعق ؟. و اعملى حسابك مافيش مصروف ليكى بكره

- انا كنت فرحانه جدا و كان نفسي اكلمه من زمان بس انتو عارفين لازم ابعد

سيبته ومشيت

- فضلت امشي شويه في الشارع و كنت هطير من الفرح ، فجأه لقيت الطريق كله فضى مره واحده و لقيت نفسي لوحدي مع ان الطريق ده دايما بيكون زحمه

-

*صوت زي الرعد يملا الشارع / لقد حذرتكي كثيرا من الاقتراب من اي بشري... لما لا تسمعين الكلام؟؟

-جسمي كله اترعش و فضلت ابص و ادور عليه و لقيته و رديت عليه بخوف / انا انا ماكلمتش حد اا انا صديته اول ما كلمنى بعدت ع طول

*كنتى سعيدة أتنكرى؟

-انا لا لا ابدا

*كل البشر كاذبين . اني احذرك ابعدى لن ارحم اي احد يقترب منك

-كنت بحاول ارد عليه عشان ل**نى تقل مره واحده / اا انا بعيده ج جدا عنهم لو لو سمحت اارحم البشر مالكش دعوه بحد انا قدامك اهو

*سمنطر / لن أحذرك مرة اخرى و تذكري دائما ما فعلته ب اختك اخر مره .

-كلمت نفسي في الوقت ده و دموعي نزلت زي المطر / هي اختى و بس دي امى و اخويا و اصحابى و كل من اتقدملي و كمان اي بشر يفكر يقرب مني

و لقيت العالم رجع تانى و الزحمه رجعت تانى و لقيته اختفى

"سمنطر ده شاب من العشيره و هو اول جني شوفته و دخلنى عالمهم الداخلىمن ٣ سنين"

اول ما اختفى فضلت اعيط لحد ما وصلت البيت

اهلى كلهم كانوا بيحبونى بس دلوقتى كلهم بيكرهونى

بس دايما بشوف نظرة حب في عين امى لكن بتخاف منى و دايما بشوف في عنيها سؤال ليه انا بقيت كده

دخلت البيت اختى اول ما شاف*نى جريت بعيد عنى و امى فضلت تبصلى بشوق اما اخويا اعتبرني مت

دخلت اوضتى و كنت ع طول لوحدى و اللى كان بيسلينى ذكرياتى مع اهلى اللى من ٣ سنين كنا دايما بنهزر و بنحب بعض

سالى اختى من ٣ سنين كان عندها ١٥ سنه

#####و رجعت بذكرياتي

سالى تدخل بفرح / لولو لولو لولو

-قلب لولو

سالى بفرحه كبيره / امجد هيودينا الملاهي

-كنت فرحانه مسكت ايدها و فضلنا نتنطط

و فضلنا نقول / هيييييييه

و رحنا الملاهي و كنا فرحانين اووى و مشينا كتير لحد ما تعبت و قفت مره واحده و قلت لأمجد /مجاميجو انا تعبت شيلنى

امجد / انا اتهديت اشيل مين

سالى / و انا و انا و انا و نطت ع كتفه وشالها و طلع يجرى بيها

-عاااا و انا و انا

و فضلت اجرى وراهم

امجد / تعالو نشتري جيلاتي

و رحنا المحل و امجد اخد الجيلاتى و طلع جري هو و سالى

-يا ولاد اللذينه دبستوني في الحساب دفعت الحساب و طلعت اجرى وراهم و فضلنا نهزر و كنا مبسوطين اووى اليوم ده

و كانت ايامنا كلها سعاده

###فقت من ذكرياتي

و انا في اوضتى و لقيت الدنيا كلها ضلمت

* لماذا تكلمتي مع سمنطر اليوم ؟؟ ولماذا تقفين معه؟؟

-الخوف رجع ليا و اكتر / يعنى كنت هعمل ايه هو اللى كلمنى انا مكلمتهوش هو اللى فضى الشارع كله انا كنت هعمل ايه

* شمندريول / ان كلمك مرة اخرى ابعدى عنه و قولى شمندريول و انا سأحضر بالتو واللحظة.

كنت برتعش جامد / حاضر حاضر و فجأه مشي و النور رجع تانى طبعا ما كنتش بنام من الخوف اللى جوايا و فضلت قاعده ع السرير لحد الصبح و نزلت الجامعه و لقيت ياسين تانى و لسه بيقرب منى فجأه نار طلعت حواليه

عند ريتاج الاذان يأذن تقفل الكتاب تمسح دموعها / يااااا يا ماما كل ده حصلك و تدخل التواليت و تاخد شور و تتواضى و تروح تفرد سجادة الصلاه و تصلي فرض الله عز و جل و تخلص الصلاه تدعي ربنا و تقوم تنام ترتاح من السفر

#بوسي محمود

توقعاتكم