Tama ng sikat ng araw ang nakapag pag gising sa akin kinabukasan. Nasapo ko pa ulo ko, dahil sa sobrang sakit nito at para bang pinipiga. Kaya naman dahan-dahan akong nagmulat ng mga mata kahit tamad na tamad ako. Pahamak na alak 'yon! Hindi ko na uulitin pa na maglasing kahit kailan. Teka paano pala ako nakauwi kagabi? Hinatid ba ako ni Rhea? Anong oras ba ako nakauwi? tanong ko sa isip. Kinapa ko ang cellphone ko sa gilid baka may importante akong lakad ngayon pero wala ito sa mesa kaya hinayaan ko na lang at muli akong pumikit upang alalahanin ang nangyari kagabi pero, wala akong maalala kahit ano. Teka nasaan si Ysha bakit wala s'ya sa tabi ko? Kaya naman dahan-dahan akong bumangon ng kama upang pumunta ng CR ng biglang bumukas ang pinto at iniluwa si Ysha. Naglakad ito papunta sa akin
