Hannah point of view
"Cheers!" Sabay taas ni Kathleen ng basong may lamang soju. Tinama ko ang baso kong may lamang soju at mabilis na nilagok ito.
"Pwe bakit ang pait?" sambit ko ng matikman ang soju. Natawa lang si Kathleen dahil sa itsura ko.
"Sa umpisa lang 'yan masasanay ka rin naman Hannah." Nakangiting sagot nito.
Uminom na lang ako habang kumakain at hindi ko alam pero parang may kakaiba akong nararamdaman pero di ko na lang pinansin. Puro kwentuhan lang kaming dalawa ni Kathleen hanggang sa nag-iba na talaga ang pakiramdam ko at parang nahihilo.
"Alam mo minsan talaga sa buhay ang sama ng tadhana noh?" natatawang sabi ko out of the place. Nakunot ang noo ni Kathleen sa sinabi ko.
"May punto ka naman pero paano mo nasabing masama sayo ang tadhana?" Sabay tungga nito ng soju.
