KISHA'S POV
Wala na talaga akong choice kundi ang bantayan si Renzo. Dahil sa nangyari sa mga kumidanap sa kaniya, posibleng siya naman ang isunod. Kaya sa ayaw at sa gusto ko, kailangan ko na munang kalimutan na magre-resign ako.
Pagbalik ko sa kwarto niya ay naabutan ko siyang nakaupo pero nakatitig lang siya sa dingding at agad siyang ngumiti nang makita ako. Umaliwalas ang mukha niya.
Umupo ako sa upuang malapit sa may kama niya.
“Akala ko hindi ka pa babalik. Bakit ang tagal mo?” tanong niya.
“Why did you do that?” tanong ko naman sa kaniya.
“Ha?” Kumunot ang noo niya.
“Anong naisipan mo at pinadukot mo ang sarili mo?”
Natigilan siya sa tanong ko. Iniisip ba talaga niya na hindi ko malalaman?
“Pinadukot? Ang sarili ko? Bakit ko naman gagawin iyon? Sino ang gustong mabugbog. T
