ANTONETTE
Kumakalam na sa gutom ang aking sikmura. Alas-onse pa ako naghihintay dito sa bangko pero alas dos na ay hindi pa rin tinatawag ang pangalan ko. Hindi ako makapagtanghalian dahil baka kung kelan ako nasa labas ay saka naman ako tawagin. Kanina pa ako kinakabahan. Ngayon kasi ang resulta ng loan application ko.
Nakailang balik na ako sa teller pero sabi ay nasa meeting pa rin daw ang manager nila. I felt a certain coldness from them. Dati naman hindi nila ako pinaghihintay nang ganito katagal at medyo accommodating sila.
"Ma'am Antonette Ladera kayo na po," sa wakas ay tawag sa akin ng isang empleyadong lumabas galing sa opisina ng bank manager. Nakasalubong ko ang isang nakasalaming lalaki na papalabas din ng naturang opisina. Kumunot ang aking noo, he looks familiar. Iyon mar
