Hindi pinalagpas ni Vincent ang pagkakataon, pumayag siya na mag-aral habang nagtatrabaho kay Romana.
"Kung magresign ka na lang kaya? Magpahinga ka na lang dito sa condo after your class," suhestiyon ni Romana sa kaniya habang inaayos ang kuwelyo ng kaniyang plantsado na uniporme.
Isa sa pinakanagustuhan niya sa ugali ni Romana ay ang pagiging maalaga nito sa kaniya. Para siyang may nanay, kaibigan, at asawa at the same time.
"Nakakahiya naman sa'yo. Halos wala na nga akong nagagawa para sa'yo tapos pahihintuin mo pa ako sa pagtatrabaho? Pinag-aaral mo pa ako at binibigyan ng weekly allowance para sa amin ni Laila. Natatakot ako na baka mabigo kita someday."
Hinaplos ni Romana ang magkabilang balikat niya at saka matamis na ngumiti.
"Sino naman ang nagsabi na wala kang nagawa para sa
